Prezıdent Qasym-Jomart Toqaev "Qazaqstan Respýblıkasynyń prezıdentiniń halyqaralyq yntymaqtastyq jónindegi arnaýly ókili týraly" jarlyqqa qol qoıdy. Bul týraly Aqorda saıty habarlady.

"Qazaqstan Respýblıkasy prezıdentiniń konstıtýsııalyq ókilettikterin iske asyrýdy, memlekettik bılik organdarynyń syrtqy saıasat salasyndaǵy qyzmetiniń tıimdiligin arttyrýdy jáne Qazaqstan Respýblıkasy prezıdentiniń halyqaralyq bastamalaryn ilgeriletýdi qamtamasyz etý maqsatynda qaýly etemin:

Qosa berilip otyrǵan:

1) Qazaqstan Respýblıkasy prezıdentiniń halyqaralyq yntymaqtastyq jónindegi arnaýly ókili týraly ereje;

2) Qazaqstan Respýblıkasy prezıdentiniń keıbir jarlyqtaryna engiziletin ózgerister men tolyqtyrýlar bekitilsin" delingen resmı saıt taratqan habarlamada.

Prezıdent úkimetke belgilengen tártippen osy jarlyqtan týyndaıtyn sharalardy qabyldaýdy tapsyrdy jáne osy jarlyq qol qoıylǵan kúninen bastap qoldanysqa engiziledi.

Prezıdenttiń halyqaralyq yntymaqtastyq jónindegi arnaýly ókili týraly erejege sáıkes, arnaýly ókil memlekettik saıası qyzmetshi bolyp sanalady. Arnaýly ókildi prezıdent ákimshiligi basshysynyń usynýymen prezıdent qyzmetke taǵaıyndaıdy jáne qyzmetten bosatady. Ol prezıdentke esep beredi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir