Prezıdent Qasym-Jomart Toqaev Ulttyq bank tóraǵasy Erbolat Dosaevty qabyldady. Bul týraly Aqorda saıty habarlady.

Bank tóraǵasy Toqaevqa bıylǵy jyldyń I toqsanyndaǵy aqsha-kredıt saıasatyn iske asyrýdyń aldyn ala qorytyndysy týraly baıandady. Álemdik ekonomıkany qalpyna keltirý barysynda negizgi yqtımal syn-qaterler jaıynda aıtty.

Sondaı-aq ol prezıdentke 2020 jylǵa arnalǵan tólem balansy, jalpy halyqaralyq rezervterdiń jaǵdaıy, altyn qoryn hedjırleý tásilderi jóninde málimet berdi.

Erbolat Dosaev memleket basshysynyń Qazaqstan azamattarynyń zeınetaqy jınaqtaryn merziminen buryn paıdalaný jáne ulttyq tólem júıesin qurý tapsyrmalarynyń oryndalý barysy týraly baıandap, turǵyn úı saıasatyn reformalaýǵa qatysty usynystaryn jetkizdi.

Kezdesý sońynda memleket basshysy ulttyq bank tóraǵasyna birqatar naqty tapsyrma berdi.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir