• USD 424.85

  • EUR 504.21

  • RUB 5.84

  • CNY 65.86

08 Jeltoqsan, 09:18:48
Almaty
+7°

Bıyl aýyl sharýashylyǵy mınıstrligi men óńir ákimderiniń aldynda barlyq kóktemgi egis jumystaryn sapaly júrgizý boıynsha naqty mindet tur. Bul týraly úkimet otyrysynda premer-mınıstr Asqar Mamın aıtty.

– Kóktemgi egis jumystaryn sapaly ári ýaqtyly júrgizý eldiń azyq-túlik qaýipsizdigin qamtamasyz etýdiń mańyzdy faktorlarynyń biri. Byltyr pandemııaǵa qaramastan egis jumystary óte joǵary deńgeıde júrgizildi. Agrotehnologııalar dál saqtalyp, tyńaıtqyshtar men ósimdikterdi qorǵaý quraldary ýaqtyly salyndy. Bul mol astyq jınaýǵa múmkindik berdi, – dedi úkimet basshysy.

Mamınniń aıtýynsha, áleýmettik mańyzy bar azyq-túlik taýarlaryn satyp alýǵa erekshe nazar aýdarý kerek.

– Bıyl úkimet kóktemgi egisti qarjylaı jáne materıaldyq-tehnıkalyq qamtamasyz etý boıynsha barlyq qajet sheshimderdi qabyldady. Bıýdjettik kredıt berýmen qatar bıylǵy jyly aýyl sharýashylyǵy ónimderin forvardtyq satyp alýdy júzege asyrý úshin bólingen qarajattyń kólemi 24,5 mlrd teńgeden 45,3 mlrd teńgege deıin artty.

Sondyqtan osy mehanızmdi paıdalana otyryp, áleýmettik mańyzy bar azyq-túlik taýarlaryn satyp alýǵa erekshe nazar aýdarý kerek. Jalpy aýyl sharýashylyǵy mınıstrligi men óńirler ákimderiniń aldynda barlyq kóktemgi egis jumystaryn sapaly júrgizý boıynsha naqty mindet tur. Osy máseleni erekshe baqylaýda ustaýdy tapsyramyn. Ekologııa mınıstrligi aýyl sharýashylyǵy mınıstrligimen jáne ákimdiktermen birlesip, respýblıkanyń ońtústik óńirlerinde, onyń ishinde uzaq merzimdi perspektıvada sýarmaly sýmen turaqty qamtamasyz etý boıynsha sharalar qabyldansyn, – dedi Asqar Mamın.

Premer-mınıstr óńirlerdiń ákimderine aýyl sharýashylyǵy ónimin óndirýshiler úshin tizbeler men sýbsıdııalar normalaryn bekitý jumysyn bir apta ishinde aıaqtaý, energetıka mınıstrligine bekitilgen keste men baǵalar boıynsha egis jumystaryn júrgizý úshin dızel otynynyń qajetti kólemin jetkizýdi qamtamasyz etý tapsyrdy.  

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir