Foto: Vıdeodan skrınshot
Qyzylorda oblysynda eki medısına qyzmetkeri ótken jyldan beri jalǵan PTR synaǵyn satýmen aınalysyp kelgen. Bul týraly sybaılas jemqorlyqqa qarsy qyzmeti habarlady.
– Qyzylorda oblysynyń Sybaılas jemqorlyqqa qarsy qyzmeti 2020-2021 jyldary COVID-19 PTR synamalarynyń teris nátıjeleri bar sertıfıkattardy júıeli túrde tekseristen ótkizbeı satýmen aınalysqan 2 medısına mekemesiniń qyzmetkerine qatysty qylmystyq isti tergeýde.
PTR synaǵynyń sertıfıkattary ártúrli maqsattarda paıdalanýǵa arnalǵan: vahtalyq ádispen jumys isteıtin jumysshylar, shetelge saıahattaıtyn adamdar, Baıqońyr qalasyna kiretin jáne taǵy basqa, – dedi Sybaılas jemqorlyqqa qarsy is-qımyl agenttiginiń asa mańyzdy ister jónindegi tergeýshisi Danııar Begaıdarov.
– Bıyl jyl bastalǵaly Qyzylorda oblysynyń turǵyndarynan PTR testinen ótkendigi týraly 60 jalǵan kýálik anyqtaldy. Osylaısha, medısına qyzmetkerleriniń qylmystyq is-áreketteriniń nátıjesinde oblys azamattarynyń sheksiz sany táýekelge ushyrady. Jedel izdestirý kezinde PTR COVID-19 synamalarynyń jalǵan sertıfıkattary jasalǵan kompıýterlik jabdyq pen mór tárkilendi, – dedi ol.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir