Qazaqstandyqtar turǵyn úı baǵdarlamalaryna tek bir-aq ret qatysa alady – Atamqulov

Indýstrııa jáne ınfraqurylymdyq damý mınıstri Beıbit Atamqulov qazaqstandyqtar memlekettik turǵyn úı baǵdarlamalaryna tek bir-aq ret qatysa alatynyn málimdedi.

Mınıstrdiń aıtýynsha, 2020 jyly respýblıka boıynsha 15 mln 300 myń sh.m. turǵyn úı salynǵan. Onyń 140 myńnan astamy paıdalanýǵa berilgen.

Sonymen qatar "Otbasy banki" bazasynda turǵyn úımen qamtamasyz etý jónindegi ortalyq qurylady. Ol turǵyn úıge muqtajdardy esepke alýdy, sondaı-aq turǵyn úıdiń qoljetimdilik satysyna sáıkes turǵyn úıdi kezekke qoıý kúni boıynsha bólýdi bir ortalyqtandyryp júzege asyratyn bolady.

– Turǵyn úımen qamtamasyz etý jónindegi ortalyqtyń bazasy jeke tulǵalardyń memlekettik derekqorlarymen ıntegrasııalanady. Bazaǵa qaıta engizýge jol berilmeıdi, azamattar memlekettik baǵdarlamalarǵa bir ret qana qatysa alady, – dedi úkimet otyrysynda Beıbit Atamqulov.