Jolymbek Mákish: Balabaqshany qazaqshaǵa aýystyrýǵa bıliktiń qulqy bolmaı otyr

Shelekten kele jatqanda, joldan serik bolsynshy dep bir áıeldi ala saldym. Sheshesiniń úıine baryp, qaladaǵy páterine túndeletip qaıtyp bara jatqan orys kelinshek eken. Jol boıy anany bir, mynany bir aıtyp otyrdyq ta, bir kezde áńgime balabaqshaǵa aýysty. Qaladaǵy bir sadıkke balasyn áreń degende kirgizipti. Sony sheship, arqasynan bir júk túskendeı bolǵanyn aıtty. О́zi áleýmettik jelide otyrady eken. Arasynda sotkasyn shuqylap, bireýlerge laık basyp otyrǵanynan baıqap qaldym. Áńgime arasynda memlekettik til týraly kózqarasyn, balabaqshany memlekettik tilge aýystyrýǵa qalaı qaraıtynyn syr tartqandaı qylyp suradym.

«Balabaqshany túgel memlekettik tilge aýystyrýǵa eshkim qarsy emes. Sadıktiń barlyǵyn tegin qylyp, memlekettik tilge kóshirse, orystardyń bári balasyn qazaq balabaqshasyna aparyp beretin edi. Qaladaǵy qazaq sadıkterine bergimiz keledi. О́zińiz bilesiz ǵoı, olar aqsha suraıdy. Odan qalsa «óz sadıgińe bar» dep shyǵaryp salady. Sodan orys sadıgin izdep júrgeniń, sandalyp. Bárin memlekettik tilge kóshirip, tegin qylyp qoısa ǵoı, shirkin, kim qarsy bolady oǵan?!»,- dedi, álgi jerde ashynǵandaı bolyp.

Bılik osy memlekettik tildiń jaıyn, balabaqshany qazaqshaǵa aýystyrý máselesin áli saǵyzsha sozyp kele jatqany shyndyq. Oǵan eshkim qarsy shyqpaıdy. Azdap saıası jiger kerek oǵan, boldy. Halyqtyń kóńiline qarap otyrmaǵany belgili nárse ǵoı. Otyz jyl boıy kúnde keıinge shegerip kele jatqan osy túıitkildi sheshýge sol bıliktegilerdiń óziniń qulqy bolmaı otyrǵan sııaqty. Áıtpese, byt-shyt bolyp, halyqty tekke qyrqystyryp qoıǵan memlekettik til máselesin, ulttyq ıdeologııa máselesin baıaǵyda-aq bir jaǵyna shyǵaryp, sheship tastaıtyn ýaqyt boldy ǵoı!

Jolymbek Mákish

Facebook paraqshasynan