Reseı Qazaqstanǵa AES salyp berýge ázir

Reseılik Rosatom kompanııasy qaýipsizdik men ekologııalyq tazalyqqa kepildik bere otyryp, Qazaqstanda atom elektr stansııasyn salý jobasyn qolǵa alýǵa daıyn. Bul týraly Reseıdiń Qazaqstandaǵy tótenshe jáne ókiletti elshisi Alekseı Borodavkın "Komsomolskaıa pravda v Kazahstane" basylymyna bergen suhbatta aıtty.

Qazaqstan da álemdegi ózge memleketter sııaqty taza energetıkaǵa muqtaj. Atom elektr stansııalary – bul saladaǵy tıimdi sheshimderdiń biri. Elektr energııasynyń yqtımaldy tapshylyǵyn eskere otyryp, AES salý Qazaqstan úshin asa ózekti taqyrypqa aınal barady. Rosatom stansııanyń qaýipsizdigi men onyń ekologııalyq tazalyǵyna kepildik bere otyryp, osy jobany qolǵa alýǵa daıyn. Reseılik beıbit atomǵa qatysty burmalanǵan baspasózdegi fobııa shyndyqqa saı kelmeıtinin erekshe atap ótikm keledi. Reseılik atom elektr stansııalarynda qoldanylatyn eń zamanaýı tehnologııalar qurylys kezinde de, osy nysandardy paıdalaný kezinde de rısk bolmaýyn qamtamasyz etedi. Taza elektr energııasynan basqa, AES jobasy qazaqstandyq ekonomıkanyń kóptegen salalaryna serpin berip, bilikti jumys oryndaryn quryp, ıadrolyq fızıka salasyndaǵy joǵary bilim sapasyn arttyrady.

Alekseı Borodavkın sondaı-aq suhbat barysynda "Qazaqstandyqtar orys tilin meńgerý deńgeıin nyǵaıtýǵa kúsh salyp, oǵan balalaryn tereńdetip úıretkeni jón" dep málimdegen.