• USD 476.71

  • EUR 467.03

  • RUB 8.36

  • CNY 67.1

03 Qazan, 19:52:24
Almaty
+14°
Almaty qalasynyń ákimi Baqytjan Saǵyntaev qoǵamdyq kólikte tegin júrýge quqyly adamdardyń sanatyn kóbeıtetinin habarlady. Bul týraly ol áleýmettik jelidegi paraqshasynda jazdy.
 
– Almaty máslıhatynyń depýtattary basqa memleketterdiń aýmaǵyndaǵy urys qımyldarynyń ardagerlerine, "Altyn alqa" men "Kúmis alqa" alqasymen marapattalǵan kópbalaly analarǵa, sondaı-aq 18 jasqa deıingi múgedek balany alyp júretin adamdarǵa qaladaǵy qoǵamdyq kólikte jeńildikpen júrý týraly sheshimimizdi qoldady, – dedi ol.
 
Shahar basshysynyń aıtýynsha, bul sheshim "Ardagerler týraly" 2020 jylǵy 6 mamyrdaǵy jańa Zańǵa sáıkes, sondaı-aq qala turǵyndarynyń áleýmettik-ekonomıkalyq jaǵdaıyn jaqsartý men ony qorǵaý maqsatynda qabyldanǵan.
 
– Qalalyq Áleýmettik ál-aýqat basqarmasynyń málimetinshe, shaharda 18 jasqa deıingi múgedek balalardy alyp júretin 1161 adam bar. Bul sanattaǵy adamdarǵa 50% jeńildik beriledi. Al "Altyn alqa" men "Kúmis alqa" alqasymen marapattalǵan 4663 kópbalaly anaǵa tegin jol júrý quqyǵy beriledi, – dep atap ótti jelidegi jazbasynda.
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir