23 qańtarda Reseıdiń birneshe qalasynda oppozısıoner Alekseı Navalnyıdy qoldaý maqsatynda ótken mıtıngterdiń birinde áıeldi tepken OMON qyzmetkeri jumystan shyǵaryldy.

Jelide Sankt-Peterbýrg qalasyndaǵy mıtıngte narazy adamdy ustap áketip bara jatqan bir top OMON qyzmetkeri aldylarynan shyqqan áıeldi tepken vıdeo taraǵan.

Áıel omondyqtarǵa "Ony qaıda áketip bara jatsyńdar?" dep suraǵany sol edi OMON qyzmetkeriniń biri ony teýip jiberdi.

Japa shegýshi 54 jastaǵy Margarıta Iýdına esimdi áıel ekeni anyqtaldy.

Keıinnen Margarıta Iýdına reanımasııada aýyr halde jatqany belgili boldy.

Artynsha, áıeldi tepken OMON qyzmetkeri ony aýrýhanaǵa izdep kelip, keshirim surady. Ol Margarıta Iýdınaǵa gúl syılap, aqtalýǵa tyrysqan. О́ziniń áreketin sol kún óte aýyr bolǵanymen jáne kózine gaz shashylǵanyn aıtyp túsindirdi. 

Qazirgi sátte 54 jastaǵy Margarıta Iýdına aýrýhanadan shyqty. Ol OMON qyzmetkerin keshirgenin aıtady. 

Mıtıngte áıeldi tepken arnaıy jasaq ókili jumystan shyǵaryldy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir