Álemdegi eń baı adam bolǵan Ilon Mask búkil baılyǵyn satatynyn aıtty

Beısenbide Djeff Bezosty basyp ozyp, álemdegi eń baı adam atanǵan Ilon Mask óziniń barlyq múlkin satatynyn aıtty. О́ıtkeni mıllıarder Marsta qala qurýdy qarjylandyrý úshin múmkindiginshe kóp kapıtalǵa ıe bolǵysy keledi. Mask bul týraly Axel Springer kompanııasynyń bas dırektory Matıas Dopfnerge bergen suhbatynda aıtty. 

– Men sonymen qatar bul máselege baıypty ekenimdi bildirýge tyrysamyn. Bul aqshalar jeke tutynýym úshin emes. Adamdar maǵan shabýyldap, "o, bunyń bári oǵan tıesili" deıdi.  Jaraıdy, endi mende olar joq, – dedi Mask.

Beısenbide baılyǵy 188 mlrd dollarǵa baǵalanyp, jahandaǵy eń baı adam bolǵan Ilon Masktyń úlken josparlary bar. Tesla jáne SpaceX kompanııasynyń bas dırektory Mars mıssııasyna múmkindiginshe kóp qarajat bólýge tyrysady. Sol úshin óziniń materıaldyq baılyǵynyń kóp bóligin satpaq

– Shyn máninde, mende aqshalaı baılyq joq, tek kompanııalardaǵy aksııalardan basqa, – dedi Mask.

Onyń sózinshe, jumysy qarbalas bolsa, oǵan zaýytta nemese keńsede uıyqtaǵan unaıdy. "Al, balalarym bolǵan kezde árıne, maǵan oryn kerek. Sondyqtan men tek oryn nemese basqa nárseni jalǵa alamyn" dedi teh-mıllıarder.

Byltyr mamyrda Mask óziniń barlyq derlik zattaryn satýdy josparlap otyrǵanyn jáne úıi bolmaıtynyn málimdegen. Sodan beri kásipker jyljymaıtyn múlik portfelindegi birneshe úıdi satty. Ol úılerdiń quny bir kezderi 100 mıllıon dollardan asqan bolatyn.

2020 jyly Mask mıllıondaǵan dollar turatyn múlikterin satty. Onyń ishinde Los-Andjelestiń Bel-Air mańyndaǵy úsh úı jáne buryn akter Djın Ýaılderge tıesili jyljymaıtyn múlik te bar. Masktyń Kalıfornııadaǵy jyljymaıtyn múlikterin satyp, Tehasqa kóshkenin keıbireýler "salyq tólemeýdiń joly" dep boljaıdy. Degenmen mıllıarder Insider-ge baılyq jınaýynyń basty sebebi materıaldyq baılyq úshin emes, Marstaǵy kolonııany qarjylandyrý úshin ekenin aıtty.

– Meniń oıymsha, adamzat úshin ǵaryshtyq órkenıet pen kópǵalamsharly túrge aınalý óte mańyzdy. Al Marsta qala salý úshin kóptegen resýrs qajet. Men Marstaǵy qalaǵa múmkindiginshe barlyq kúshimdi salǵym keledi. Bul tek úlken kapıtaldy bildiredi, –dedi Mask.

Onyń oıynsha, materıaldyq ıgilikterimen qoshtasý – Marsqa barýǵa bel býǵanyn bildiredi.

Teslanyń aksııasy qymbattap, beısenbi kúni Masktyń baılyǵy Djeff Bezostan asyp ketken kezde, bas dırektor óziniń Twitter profılindegi jazbany 2018 jylǵy tvıtke aýystyrdy. Onda ol óz baılyǵynyń jartysyn jumsap, Marsta qala qurýǵa ýáde bergen. "Dınozavrlar sııaqty meteor soqqysynyń sebebinen joıylyp ketpes úshin nemese úshinshi dúnıejúzilik soǵys sebebinen ózimizdi qurtyp alsaq, tirshiliktiń jalǵasýyn (barlyq tirshiliktiń) qamtamasyz etý úshin, baılyǵymnyń jartysyn Marsta qala salýǵa arnaımyn" dep jazǵan Ilon Mask.

Al baılyǵynyń qalǵan jartysy Jer sharyndaǵy problemlardy sheshýge arnalatynyn aıtty.

Ilon Masktyń SpaceX kompanııasy Starship dep atalatyn 387 fýttyq zymyrannyń úsheýin ushyrýdy josparlap otyr. Kompanııa ǵaryshty baǵyndyrýdy jyldamdatýǵa tyrysýda. Mıllıarder 2050 jylǵa qaraı Marsqa 1 mıllıon adamdy qonystandyrmaq. Olardy Qyzyl ǵalamsharǵa aparý úshin 1000 Starship ǵarysh kemesiniń parkin qurýdy josparlap otyrǵanyn aıtty.

Marsqa barý kóptegen adamǵa óte qymbat bolmas úshin, Mask ol jerde  "aqshasy joqtarǵa nesıe" berýdi kózdeıtinin jáne Qyzyl ǵalamsharda kolonızatorlarǵa jumys ornyn ashatynyn aıtty. Onyń sózinshe, Marsqa nesıemen barǵandar Qyzyl ǵalamsharda jumys istep, kredıtin qaıtarady. Al keıbir synshylar Masktyń josparlary "ıntensıvti servıtýttyń planetaaralyq túrine uqsaıdy" deıdi." (Intensıvti servıtýt – 1600 jyldary Amerıka Qurama Shtattarynda keńinen tanymal kelisimshart. Bul kelisimshart boıynsha adamdar aqsha úshin emes, Amerıkaǵa kirý úshin jumys istegen.)