Getty
Máskeý men Beıjiń Tynyq muhıttyń batysyndaǵy daýly aımaqtarǵa birikken bombalaýshylaryn jibergen soń Japonııa men Ońtústik Koreıa olarǵa qarsy reaktıvti ushaqtaryn biriktirdi. Bul týraly brıtanııalyq The Guardian basylymy habarlady.
Reseı áskerıleri máskeýlik Tý-95 strategııalyq bombalaýshy ushaǵy men tórt qytaılyq H-6K bombalaýshylaryn Japon teńizi men Shyǵys Qytaı teńiziniń ústinen ushqanyn habarlady.
"Japonııanyń áýeden ózin-ózi qorǵaý kúshteri Japon teńizindegi daýly Takeshıma / Dokdo araldarynyń ústinen ushyp ótken bombalaýshylardy izdeý úshin joıǵysh ushaqtaryn jumyldyrdy" dep habarlady eldiń qorǵanys mınıstrligine silteme jasaǵan Kıodo agenttigi.
Araldardy Ońtústik Koreıa baqylaıdy, biraq Japonııa da ony ıemdenedi. Reseı men Qytaı ushaqtary Japonııa men Koreıa túbeginiń eń ońtústik núktesin bólip turǵan Sýsıma buǵazynyń ústimen, sondaı-aq AQSh-tyń on myńdaǵan áskeri turatyn ońtústik Okınava aralynyń mańyndaǵy aımaqpen ushyp ótken.
Ionhap jańalyqtar agenttiginiń habarlaýynsha, Ońtústik Koreıa sonymen qatar reseılik jáne qytaılyq ushaqtar eldiń "áýe qorǵanysyn ıdentıfıkasııalaý aımaǵyna" kirgennen keıin "kezdeısoq jaǵdaılarǵa daıyndyq úshin" reaktıvti ushaqtaryn ushyrdy.
Ońtústik Koreıanyń áskerı jáne syrtqy ister mınıstrligi reseılik jáne qytaılyq áriptesterimen baılanysyp, oqıǵaǵa qatysty alańdaýshylyqtaryn bildirdi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir