21 Jeltoqsan, 2020 NEWS
Foto: ratel.kz
Premer-mınıstr Asqar Mamın "Spýtnık V" vaksınasy birinshi kezekte kimderge salynatynyn aıtty. Bul týraly mınıstrliktiń resmı saıty habarlady.
Úkimet basshysy Qaraǵandy farmasevtıkalyq keshenine baryp, prezıdent Qasym-Jomart Toqaev pen Reseı Federasııasynyń prezıdenti Vladımır Pýtınniń arasyndaǵy ýaǵdalastyqtardy iske asyrý aıasynda "Spýtnık V" vaksınasyn óndirýdi bastap berdi.
– Birinshi kezekte ekpe erikti negizde medısına qyzmetkerleri, pedagogter, stýdentter, quqyq qorǵaý organdarynyń qyzmetkerleri, medısınalyq-áleýmettik mekemelerdiń kontıngenti, sondaı-aq sozylmaly aýrýlary bar qaýiptilik toptarynyń ókilderine salynady, – dedi Mamın.
Onyń aıtýynsha Qazaqstanda óndirilgen “Spýtnık V”-men jappaı vaksınasııa 2021 jyldyń aqpan aıynda bastalady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir