20 Jeltoqsan, 2020 Áleýmet

Shetelde tegin bilim alýdyń joldary

Shetelde tegin bilim alýǵa múmkindik beretin baǵdarlamalar bar.

Foto: wday.ru

Shetelde tegin bilim alýdyń joldary kóp. AQSh, Túrkııa, Eýropa men Azııanyń damyǵan elderinde tegin oqýǵa múmkindik beretin túrli baǵdarlama bar. Ol boıynsha bakalavr, magıstratýra, PHD oqyp, shetelde taǵylymdamadan ótýge bolady. Keıbir sheteldik ýnıversıtetterdiń óz granttary da bar. Grant ıegeri ataný úshin úmitker barlyq talapqa saı bolýy kerek. Olar ádette bilimdi, talaby zor, maqsaty men ıdeıasy bar jáne ony júzege asyrýdyń joldaryn biletin, alaıda elge paıda ákeletin ıdeıasyn júzege asyrý úshin Qazaqstanda qajetti bilim men tájirıbe  ala almaı júrgen adamdy izdeıdi. Oqıtyn eldiń tilin de jetik meńgerýi qajet. Eger baǵdarlama nemese ýnıversıtettiń talabyna jaýap berseńiz olar oqý aqysyn tólep, jol shyǵynyn ótep, medısınalyq saqtandyrýmen qamtamasyz etip, kitapqa aqsha bólip, aı saıyn shákirtaqy tóleýge ázir. Endeshe shetelde tegin bilim alýǵa múmkindik beretin baǵdarlamalardy sholyp óteıik.

Chevening. Brıtanııa. Magıstratýra

Chevening baǵdarlamasymen Brıtanııa ýnıversıtetterinde magıstratýrada bir jyl oqı alasyz (Brıtanııada magıstratýrada oqý uzaqtyǵy 1 jyl). Baǵdarlama barlyq shyǵyndy óteıdi, ıaǵnı oqý aqysy, ushaq bıleti, turatyn úı men kitapqa ketetin shyǵyn.

Qajetti qujattar tizimi:

  1. Bakalavr dıplomy men Brıtanııa ýnıversıtetinen shaqyrtý, ıaǵnı eń aldymen Brıtanııa ýnıversıtetine túsý qajet.
  2. Eki jyl jumys tájirıbeńiz bolýy kerek.
  3. О́zińiz týraly qysqasha jazý qajet.
  4. Eki adamnan minezdeme.

Atalmysh qujattaryńyz qabyldanyp, kelesi týrǵa ótseńiz, ıntervıýge shaqyrtý alasyz. Ol siz turatyn qaladaǵy/eldegi Brıtanııa elshiliginde ótedi. Intervıý aǵylshyn tilinde ótedi.

Erasmus Mundus (EMJMD). Eýropa elderi. Magıstratýra. Bakalavr.

Erasmus Mundus arqyly birneshe Eýropa eliniń ýnıversıtetinde oqı alasyz. Bul shetelde bilim alyp qana qoımaı, saıahattaýǵa da tamasha múmkindik.

Qajetti qujattar tizimi:

  1. IELTS (ár seksııa boıynsha 5.5-ten tómen bolmaýy kerek). TOEFL sertıfıkatymen de tapsyrýǵa bolady. 72 ball bolýy kerek (ár seksııa boıynsha 17-den tómen bolmaýy kerek). Eger Eýropada bakalavr oqysańyz nemese AQSh, Kanada, Aýstralııa, Jańa Zelandııada bilim alsańyz, atalmysh testten bosatylasyz.
  2. Magıstratýraǵa tapsyratyndar GRE tapsyrýǵa mindetteledi.
  3. Ýájdemelik hat.
  4. Dıplom.
  5. Pasport

Atalmysh qujattaryńyz qabyldanyp, kelesi týrǵa ótseńiz, ıntervıýge shaqyrtý alasyz. Intervıý aǵylshyn tilinde onlaın ótedi.

DAAD. Germanııa. Bakalavr. Magıstratýra. PHD. Taǵylymdama

DAAD baǵdarlamasymen birneshe kategorııa boıynsha tapsyrýǵa bolady.

  • Qazaqstandaǵy JOO-daǵy 2 nemese 3-kýrs stýdentteri men magıstratýra oqyp júrgender jazda 3-4 apta Germanııada nemis tilin tegin oqı alady.
  • Bir nemese eki jyl barlyq mamandyq boıynsha magıstratýra oqýǵa bolady.
  • Ekonomısterge arnalǵan stıpendııa (ERP). Oqý uzaqtyǵy 1 nemese 2 jyl.
  • Ekonomıka, ınjenerlik ǵylym, ekologııa salasynda basshylyq qyzmettegi qyzmetkerler men mamandarǵa stıpendııa (EPOS). Oqý uzyqtyǵy 1-3 jyl.
  • Arhıtektorlarǵa arnalǵan stıpendııa. Oqý uzaqtyǵy 1 nemese 2 jyl.
  • Buryn DAAD stıpendııasyn jeńip alǵandar da qaıta stıpendııaǵa úmitker bola alady. Oqý uzaqtyǵy 1-3 aı.

DAAD-tyń arnaıy stıpendııasy:

  • Qazaqstandaǵy JOO-da nemis tili nemese nemis fılologııasynan sabaq beretin muǵalimder 4 aı Germanııada oqı alady.
  • Shyǵarmashylyq baǵytta sabaq beretin muǵalimder 3, 4 aı Germanııada taǵylymdamadan ótýine múmkindik bar.

                      Turkiye Burslari. Túrkııa. Bakalavr. Magıstratýra. PHD.

Bakalavr boıynsha oqý uzaqtyǵy – 4-6 jyl. Oqý túrik tilinde bolǵandyqtan bir jyl túrik tilin úıretedi. Baǵdarlama oqý aqysyn tólep, ushaq bıletin satyp alyp, jatyn orynmen qamtamasyz etip, medısınalyq shyǵyndy ótep, aı saıyn 800 lır shákirtaqy beredi.

Magıstratýra nemese PHD oqıtyndarǵa shákirtaqy kóbirek tólenedi. Magıstranttar aı saıyn 1,100 lır alsa, PHD stýdentteri 1,600 lır shákiraqy alady.

Magıstratýra oqý uzaqtyǵy – 3 jyl. 1 jyl túrik tilin úırenýge ketedi. Qalǵan 2 jyl akademııalyq oqý.  

PHD oqý uzaqtyǵy – 4 jyl. 1 jyl túrik tilin úırenýge ketedi. Qalǵan 3 jyl akademııalyq oqý.  

Turkiye Burslari-niń qysqa merzimdi baǵdarlamalary da bar. Oqý uzaqtyǵy – 1 jyl. Oǵan sáıkes, stıpendııa tólenip, oqý tegin. Alaıda jatyn oryn, ushaq bıleti sekildi shyǵyndar ótelmeıdi.

Zertteý júrgizýge múmkindik beretin baǵdarlamalar da bar. Baǵdarlama boıynsha 3-10 aı zerthanada zertteý júrgizýge bolady. Aı saıyn tóleneten stıpendııa – 3000 lır.

Turkiye Burslari  aıasynda ǵalymdar men memlekettik jumysshylarǵa arnalǵan baǵdarlama bar. Oqý uzaqtyǵy – 8-10 aı. Baǵdarlama ushaq bıletin salyp alyp, jatyn orynmen qamtamasyz etip, aıyna 2000 lır shákirtaqy tóleıdi, túrik tilin úıretedi, biraq medısınalyq saqtandyrý shyǵyny ótelmeıdi.

Turkiye Burslari baǵdarlamasymen oqyǵyńyz kelse baǵdarlama saıtynda kórsetilgen suraqtarǵa jaýap berip, qujattardy júkteý qajet. Nelikten Túrkııada oqyǵyńyz keletinin túsindirip, bolashaqqa josparyńyzben bólisý qajet. Bul – birinshi týr. Qujattaryńyz qabyldansa, ıntervıýden ótesiz. Suhbat qazaq nemese orys tilinde ótedi.

Fulbright. AQSh. Magıstratýra

Fulbright baǵdarlamasymen medısına salasynan bólek barlyq mamandyq boıynsha tapsyrýǵa bolady.

  • Úmitkerdiń bakalavr dıplomy bolýy kerek.
  • Qazaqstan azamaty bolýy qajet.
  • JOO bitirgennen keıin mamandyq boıynsha 2 jyl jumys istegen bolýy kerek. Bakalavrdy endi aıaqtaǵandardan jumys ótili suralmaıdy.
  • AQSh-tyń JOO-nyn bitirgenderdiń qujaty qabyldanbaıdy.
  • Batys Eýropa, Aýstralııa, Jańa Zelandııa men Kanada ýnıversıtetinde oqyǵandardyń da qujaty qabyldanbaıdy.

Qajetti qujattar:

  1. Onlaın ótinish toltyrý.
  2. Bakalavr dıplomy men qosymshasy.
  3. Úsh minezdeme hat (Professor, jumys berýshiden)
  4. TOEFL jáne GRE/GMAT.
  5. Túıindeme
  6. Pasport kóshirmesi.

Sońǵy etap – ıntervıý. Intervıýden de sátti ótseńiz Fulbright vıza shyǵynyn, medısınalyq saqtandyrý, aı saıyn stıpendııa, kitap shyǵyny men ushaq bıletin satyp alady.

 "Bolashaq" baǵdarlamasy. Magıstratýra. Taǵylymdama. PHD.

"Bolashaq" baǵdarlamasy boıynsha kez kelgen elde túrli mamandyq boıynsha oqýǵa bolady. Úmitker birneshe kategorııa boıynsha tapsyra alady.

Baǵdarlama talaby boı̆ynsha IELTS nemese TOEFL-dan shekti ball jınaý kerek.

Eki jyl jumys ótili (ony óz mamandyǵyńyz boı̆ynsha jumys istegen kompanııadan túsip turǵan zeı̆netaqymen bekitesiz). Jumys ótilin suramaı̆tyn kategorııalar da bar.

Bakalavr dıplomynyń qosymshasynyń ortasha bally 3.30-dan tómen bolmaýy kerek.

 Usynym xat

Qosymsha taǵy qujattar suralady. Bul birinshi týr. Kelesi týrǵa ótseńiz, qazaq tilinen test tapsyrasyz. Intellektýaldyq test. Psıxologııalyq test. Qazaqstan tarıxy men QR Konstıtýsııasy boı̆ynsha emtıxannan ótýińiz kerek.

Sońǵy ári sheshý kezeń – áńgimelesý.

Atalmysh baǵdarlamalar týraly tolyq aqparatty baǵdarlama saıtynan bile alasyz.

Ásem Álmuhanbet

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir