Toqaev birneshe zańǵa qol qoıdy

Prezıdent Qasym-Jomart Toqaev keıbir zańnamalyq aktilerge qol qoıdy. Bul týraly Aqorda saıty habarlady.

Memleket basshysy "Qylmystyq proseste azamattardyń quqyqtaryn qorǵaýdy jáne sybaılas jemqorlyqqa qarsy is-qımyldy kúsheıtý máseleleri boıynsha ózgerister men tolyqtyrýlar engizý týraly" zańǵa qol qoıdy.  

Zańnamaǵa sáıkes, sybaılas jemqorlyqpen ustalyp, sottalǵan azamattardyń merziminen buryn shartty túrde bosap shyǵýyna shekteý qoıylady.

Qazaqstannan tysqary jerde ornalasqan sheteldik bankterde esep-shottar ashyp, aqsha men basqa da baǵaly zattardy saqtaýǵa tyıym salynady. 

Sondaı-aq Toqaev "Qazaqstan Respýblıkasynyń keıbir zańnamalyq aktilerine personal berý jónindegi qyzmetterdi kórsetý máseleleri boıynsha ózgerister men tolyqtyrýlar engizý týraly" jáne "Qazaqstan Respýblıkasynyń keıbir zańnamalyq aktilerine adamdardy Qazaqstan Respýblıkasynyń sheginen tysqary jerge shyǵaryp jiberý kezinde ustap alý merzimderin retteý máseleleri boıynsha ózgerister men tolyqtyrýlar engizý týraly" zańdarǵa qol qoıdy.