Aımaǵambetov: Jemqorlyqty joımaǵan ýnıversıtetter lısenzııasynan aıyrylady

Joǵary oqý oryndarynda jemqorlyq faktileri bolmaýy qajet. Bul týraly Bilim jáne ǵylym mınıstri Ashat Aımaǵambetov apparat jınalysynda aıtty.

– Joǵary oqý oryndaryndaǵy jemqorlyq faktileriniń aldyn alý kerek. Bul máseleni túbegeıli joıýǵa bolady. Biraz ýnıversıtet ony búgin joıdy dep aıta alamyz. Keı ýnıversıtetter bul máseleden múlde aýlaq júr. Sondyqtan ýnıversıtettiń basshysy qalasa mundaı problemany joıýǵa bolady, – dedi Aımaǵambetov.

Onyń sózinshe jemqorlyqty joıý JOO-daǵy qabyldanǵan saıasatqa tikeleı baılanysty.

– Eger keıbir ýnıversıtet bul máseleni joısa, bul is basqa ýnıversıtetterdiń qolynan kelmese, onda suraq paıda bolady. Nege bireýdiń qolynan keledi, basqasynyń qolynan kelmeıdi? Osy faktiler boıynsha lısenzııany toqtatýǵa usynys boldy. Jemqorlyq qaıtalanǵan jaǵdaıda tıisti baǵyt boıynsha lısenzııany qaıtarýǵa deıingi normany zertteý kerek. Eger zań júzinde oryndalatyn, zertteý boıynsha durys sheshim bolatyn bolsa, biz mundaı normany qabyldaýǵa daıynbyz. О́ıtkeni qazir jemqorlyqty JOO-da joıý kerek dep aıtqanyma qansha ýaqyt boldy. Biraq problema áli de bar. Ony túbegeıli sheshýimiz kerek. Jemqorlyq boıynsha JOO-ny anyqtalsa, lısenzııadan aıyramyz. Qajet bolsa mundaı sheshimdi qabyldaýǵa daıynbyz. Bul óte mańyzdy másele, – dep atap ótti mınıstr.