Premer-mınıstr Asqar Mamın koronavırýs ınfeksııasy týraly vedomstvoaralyq komıssııa otyrysyn ótkizdi.

Densaýlyq saqtaý mınıstrliginiń málimetine súıensek, koronavırýspen syrqattanýshylyqtyń ósýi Qazaqstannyń barlyq óńirlerinde derlik tirkeldi. Vırýstyń reprodýktıvtilik kórsetkishi respýblıka boıynsha 1,07 paıyzdy quraıdy. Infeksııalyq tósek-oryndardyń tolyǵýy – 22%, reanımasııalyq tósek-oryndardyń tolyǵýy – 17%. 

"Qyzyl aımaqta" 5 óńir qalyp otyr: Shyǵys Qazaqstan, Pavlodar, Qostanaı, Soltústik Qazaqstan, Aqmola oblystary.

"Sary aımaqta" 2 óńir bar: Batys Qazaqstan oblysy jáne Nur-Sultan qalasy.

Úkimet basshysy densaýlyq saqtaý, ındýstrııa mınıstrlikterine ákimdiktermen birlesip, medısınalyq jabdyqtardy jetkizýdi aıaqtaýdy jáne ınfeksııalyq stasıonarlardyń reanımasııalyq bólimshelerin tolyq jabdyqtaýdy qamtamasyz etýdi tapsyrdy. 

Sondaı-aq Asqar Mamın epıdemıologııalyq ahýaldyń nasharlaýy múmkin jaǵdaıda vedomstvolyq aýrýhanalar men gospıtaldardyń 100% daıyndyǵyn qamtamasyz etýdi aıtty. 

Ol vedomstvoaralyq otyrysta ishki ister, eńbek, bilim, qorǵanys mınıstrlikterine ákimdiktermen birlesip, uıymdastyrylǵan ujymdarda profılaktıkalyq jáne epıdemııaǵa qarsy is-sharalardyń saqtalýyna baqylaýdy kúsheıtýdi tapsyrdy. 

Sonymen qatar densaýlyq saqtaý mınıstrligine, ákimdikterge koronavırýs ınfeksııasyna jasalǵan zerthanalyq zertteýlerdiń durystyǵyn (qaıta testileýdi) qamtamasyz etý boıynsha sharalar qabyldaýdy da atap ótti.

Premer-mınıstr densaýlyq saqtaý mınıstrligine bir apta merzimde dári-dármektiń shekti qunyn tómendetý maqsatynda koronavırýsqa qarsy preparattardyń baǵasyn retteý tártibin ózgertýdi tapsyrdy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir