18 Qarasha, 2020 Barlyq aımaqtar

Foto: Janbolat Aǵadildiń paraqshasynan

Belgili zańger Abzal Quspan Facebook paraqshasynda "Janbolat Aǵadildiń ólimine qatysty: polısııa beınematerıaly zańsyz taratylǵan" degen ataýmen vıdeo jarııalady. 

Zańgerdiń aıtýynsha, advokattyń qatysýynsyz polısııa ǵımaratynyń ishinde tergeý áreketterinen tys azamatty moıyndatyp, ol týraly beınematerıal daıyndap, ony el arasynda taratý týraly norma múlde qarastyrylmaǵan.

"Bul QR Konstıtýsııasy 7-babynyń 3-bóligin, qylmystyq prosesýaldy kodekstiń 19-baby 1-bóligin buzyp otyr. Ol normalarǵa sáıkes, zańdy kúshine engen sottyń úkimi bolmaıynsha eshbir azamatty kináli dep tanýǵa bolmaıdy. Bul jerdegi jaǵdaı eldi tynyshtandyrý úshin jasalyp otyrǵany túsinikti, ıaǵnı tergeý prosesi kezinde belgili bir jaǵdaıda saıasat aralasyp otyr dep esepteımin. Al saıasattyń tergeý prosesine aralasýy bolashaqta mundaı isterdiń obektıvti, shyndyqqa negizdelgen tergeý bolatynyna úlken kúmán týdyrady" dedi Abzal Quspan. 

11 qarashada kúni Nur-Sultanda azamattyq belsendi Dýlat Aǵadildiń uly Janbolat Aǵadildi pyshaqtap óltirip ketkeni habarlandy.

Máıitti kórýge kirgen marqumnyń aǵasy Tańat Jalmaǵambetov  Janbolattyń denesinen pyshaq jaraqatynyń izderin kórgenin aıtqan

12 qarashada ishki ister mınıstrligi tergeý departamenti Janbolat Aǵadildiń ólimine qatysy bar delingen kúdiktiler ustalǵanyn málim etti.

Artynsha áleýmettik jelide Janbolat Aǵadilge "tóbeles kezinde abaısyzda pyshaq urdym" degen adamnyń vıdeosy taraǵan. Uzamaı vıdeodaǵy adam shynymen de kúdikti ekeni anyqtalǵan. Alaıda kúdiktiniń múgedek anasy "balasyna tanystary jala jaýyp otyr" dep sanaıtynyn aıtqan.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir