Foto: kstnews.kz
Tuńǵysh prezıdent Nursultan Nazarbaev KSRO halyq ártisi Armen Djıgarhanıannyń qaıtys bolýyna baılanysty marqumnyń týystaryna kóńil aıtý jedelhatyn joldady. Bul týraly Elbasy saıty habarlady.
"Nazarbaev kórnekti mádenıet qaıratkeri, akter Armen Djıgarhanıannyń qaıtys bolǵany týraly habardy kúızelispen qabyldady. Elbasy A.Djıgarhanıan bar ǵumyryn ónerge arnap, óziniń talanty men kásibı sheberliginiń arqasynda mıllıondaǵan kórermenniń qurmeti men ystyq yqylasyna bólengenin atap ótti" dep jazylǵan jedelhatta.
Sondaı-aq elbasy Armen Djıgarhanıannyń jarqyn beınesi jurtshylyq jadynda árdaıym saqtalatynyna senim bildirdi.
Eske sala keteıik, qarashanyń 14 kúni KSRO-nyń halyq ártisi Armen Djıgarhanıan 86 jasqa qaraǵan shaǵynda qaıtys boldy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir