Almatyda "Nur Otan" qalalyq fılıalynyń konferensııasynda máslıhatqa partııalyq tizim qalyptastyrylyp, Parlament Májilisiniń partııalyq tizimine kandıdattar anyqtaldy. Sondaı-aq, qalalyq saılaýaldy baǵdarlamasy bekitilip, partııanyń XX sezine qatysý úshin delegattar saılandy, dep habarlaıdy "Nur Otan" Ortalyq apparatynyń baspasóz qyzmeti.

Sonymen, eń joǵary reıtıngisi bar praımerızge qatysýshylar qatarynan jáne fılıal kvotasyn eskere otyryp, qala máslıhatyna 1 orynǵa 2 adam qaǵıdaty boıynsha 78 kandıdattan turatyn partııalyq tizim túzildi.

Tizimge belgili qoǵam qaıratkerleri, azamattyq sektor, BAQ ókilderi kirdi. Olardyń arasynda kóp balaly ana Gúljan Bekenova, praımerızdiń eń jas qatysýshysy – shahmatshy Jansaıa Ábdimálik, kardıohırýrg dáriger Almat Qodasbaev jáne basqalary bar. Tolyq partııalyq tizimmen primaries.kz saıtynda tanysýǵa bolady.

qamshy.kz

Taldaý kórsetkendeı, tizimdegi áıelderdiń úlesi 2 ese - 16-dan 35%-ǵa deıin, al 35 jasqa deıingi jastar 6 ese - 2,7-den 20%-ǵa deıin ósti. Úmitkerlerdiń ortasha jasy 8 jasqa – 52 jastan 44 jasqa deıin jasardy. Qyzmettegi 29 depýtattyń 16-sy ǵana jańa partııalyq tizimge endi.

Tizimde ShOB ókilderiniń úlesi basym – 41%, bilim berý salasy – 14,1%, úkimettik emes uıymdar – 11,5% jáne t.b.

Konferensııa barysynda májiliske partııalyq tizimge úmitkerler arasynda pikirsaıys ótti. Birinshi raýndta qatysýshylar ózderiniń saılaýaldy baǵdarlamalarynyń negizgi tezısterin tanystyrdy, ekinshi raýndta "suraq-jaýap" túrinde pikirtalas sessııasy ótti.

13 úmitkerdiń ishinen partııa músheleri «Praımerız» aqparattyq júıesi arqyly qalalyq kvotaǵa sáıkes 7 kandıdatty tańdady.

Parlamenttiń tómengi palatasynyń depýtaty Artýr Platonov, Almaly aýdandyq fılıalynyń tóraǵasy Bekqalı Torǵaev, bilim berý salasynyń ókili Juldyz Dosbergenova, qalalyq Qoǵamdyq keńestiń ókili Altynaı Kóbeeva, qoǵam belsendisi jáne "Men almatylyqpyn" qozǵalysynyń jetekshisi Konstantın Avershın, jasotandyq Mádı Ahmetov jáne bıznes ókili Shýhrat Shardınov eń kóp daýys jınady.

Fılıal tóraǵasynyń birinshi orynbasary Stanıslav Konkýrov atap ótkendeı, partııanyń qalalyq saılaýaldy baǵdarlamasy Almatyny damytýdyń 12 draıverin jáne praımerız aıasynda turǵyndardan túsken usynystardy eskere otyryp ázirlengen.

Eske sala keteıik, buǵan deıin «Nur Otan» partııasy óńirlik fılıaldardyń konferensııa kestesin jarııalaǵan bolatyn, onyń barysynda barlyq deńgeıdegi máslıhattarǵa partııalyq tizimder jáne ár óńirden Májiliske arnalǵan partııalyq tizimge kandıdattar anyqtalatyn bolady.

Sonymen, keshe Shymkent qalasynda konferensııa ótti, al erteń Nur-Sultan qalasynda konferensııa ótedi. Almaty, Qaraǵandy jáne Qyzylorda oblystarynda 16 qarasha kúni ótedi. Aqmola, Shyǵys Qazaqstan, Jambyl, Batys Qazaqstan, Túrkistan, Atyraý, Qostanaı, Mańǵystaý, Pavlodar jáne Soltústik Qazaqstan oblystarynda 17 qarashada ótkiziledi dep josparlanyp otyr.

Qalalyq jáne aımaqtyq konferensııalarda kandıdattar arasyndaǵy pikirsaıys praımerızdiń ekinshi deńgeıi aıasynda ótkiziledi.

Partııaishilik irikteýdiń birinshi kezeńine 10 myń kandıdat qatysty. Onyń 37%-y – áıelder, 29%-y – 35 jasqa deıingi jastar. Bastaýysh partııa uıymdarynan kandıdattardyń 30%-y usynylsa, 70%-y – ózin-ózi usynýshylar. Úmitkerlerdiń ortasha jasy – 43 jas. Bul rette daýys berýge 662 myńnan astam partııalyq qatysty.

Ilmek sózder: Nur Otan

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir