"Jaıdarman" ázilkesh komandasy jazasyn ótep jatqan jasóspirimderge kúlki syılady

«Jaıdarman» ázilkesh komandasy jazasyn ótep jatqan jasóspirimderge kúlki syılady

Almaty qalasyndaǵy respýblıka boıynsha jalǵyz balalar kolonııasynda jyldyń qaı mezgilinde bolmasyn kóńildi sharalar jıi ótkiziledi. Solardyń ishinde balalardyń asyǵa kútetin qonaqtary – kóńildi tapqyrlar komandasy. Jazasyn óteýshi jasóspirimderdi ázil-qaljyńǵa qarq qylatyn «kvnshıkter» munda jyl saıyn kelip turady. Ásirese Almaty qalasyndaǵy kolledj stýdentterinen quralǵan komandalarmen sotty bolǵan balalardyń ózderi de jarysqa túsip, nebir kúlkige toly kórinister daıarlaıtyn. Bıyl elimiz boıynsha jarııalanǵan karantınge baılanysty stýdentter onlaın oqyǵandyqtan, isti bolǵan balalar «KTK»-ǵa qatysa almady. Esesine bıyl balalar kolonııasyna Almaty qalasynyń «Jaıdarman» komandasynyń jetekshisi Erdos Oralbekov bastaǵan ázilkeshterdiń ózderi kelip, óner kórsetti.

– Balalar kolonııasynan kelgen usynysty biz qýana qabyl aldyq. О́ıtkeni «jerde bir bala qýansa, kókte jeti perishte qýanady» degen sózdiń mańyzyn jaqsy túsinemiz, – deıdi «Jaıdarmannyń» jetekshisi.

Kolonııadaǵy balalar «Jaıdarmannyń» quramyndaǵy «QazATK» jáne «Energo» jastarynyń ónerin qyzyǵa tamashalady. «Energo» komandasy byltyr Almaty qalasy boıynsha «Sýper lıga chempıony» bolsa, «QazATK» komandasy «Stýdent laıf chempıony» atandy.

Oıyn barysynda stýdenttik ómirdiń túrli qyzyqtaryn kórsetken ázilkeshterdiń ónerine balalar dán rızashylyǵyn bildirdi. Ázilge sport, ásker taqyryptary da arqaý boldy.

Kúlki keshiniń sońynda LA-155/6 túzeý mekemesi bastyǵynyń orynbasary, ádilet maıory Maqsat Álimjanov «Jaıdarman» komandalaryna  alǵys aıtyp, ázil áleminde jetistikke jete berýlerine tilektestik bildirdi.

Almaty qalasy QAJ departamenti