Premer-mınıstrdiń orynbasary Eraly Toǵjanov Shyǵys Qazaqstan oblysyndaǵy epıdemıologııalyq jaǵdaıdy turaqtandyrý maqsatynda birqatar shekteý sharalaryn qabyldaýdy tapsyrdy, dep málimdedi primeminister.kz saıty.

Eraly Toǵjanov oblys ákimdigine on kún merzim ishinde óńirdegi epıdemıologııalyq ahýaldy turaqtandyrý boıynsha túbegeıli sharalardy qabyldaýdy, Densaýlyq saqtaý mınıstrligine konsýltatıvtik-ádistemelik kómek kórsetý úshin joǵary bilikti mamandardy óńirge jiberýdi tapsyrdy.

Vedomstvoaralyq komıssııa tóraǵasynyń sheshimimen ShQO-da tómendegideı  shekteý sharalaryn engizilmek:

  • 2020 jyldyń 2 qarashasynan bastap О́skemen qalasyna kirý jáne shyǵý boıynsha áýe qozǵalysyn azaıtý:
  1. Nur-Sultan qalasyna/nan – aptasyna 17-den 7 reıske deıin;
  2. Almaty qalasyna/nan – aptasyna 14-ten 7 reıske deıin;
  3. Shymkent qalasyna/nan – aptasyna 2-den 1 reıske deıin.
  • 2020 jyldyń 2 qarashasynan bastap Nur-Sultan – О́skemen baǵyty boıynsha temirjol qatynasyn aptasyna 3-ten 1-ge deıin, Almaty – О́skemen baǵyty boıynsha aptasyna 7-den 3-ke deıin qysqartý;
  • jolaýshylardyń Shyǵys Qazaqstan oblysynan áýe jáne temir jol kóligimen shyǵýy úshin COVID-19 teris nátıjesi bar PTR testileýinen ótkeni týraly anyqtamanyń mindetti túrde bolýyn qamtamasyz etý (berilgen kúninen bastap 3 táýlikten aspaıtyn);
  • tranzıtpen ótetin temirjol quramdarynyń oblys ishinde toqtaýyna tyıym salý;
  • sanıtarlyq beketterdi ornata otyryp, Shyǵys Qazaqstan oblysyna kirýdi jáne shyǵýdy shekteý;
  • oblystyń basqa qalalary/aýdandary arasynda halyqtyń qozǵalysyn saqtaı otyryp, О́skemen qalasynyń aýmaǵyna kirýge jáne shyǵýǵa tyıym salý;
  • demalys jáne mereke kúnderi shekteý sharalaryn kúsheıtý;
  • halyq arasyndaǵy baılanystardy azaıtý maqsatynda qoǵamdyq kóliktiń qatynaý sanyn ulǵaıtý;
  • qyzmetkerlerdiń keminde 80%-yn qashyqtaǵy jumys formatyna aýystyrýdy qamtamasyz etý;
  • oflaın formatta jınalystardy ótkizýge tyıym salý;
  • kireberisterde, lıftilerde, avtoturaqtarda jáne balalar oınaıtyn alańdarda, azyq-túlik bazarlarynda jáne t. b. jerlerde dezınfeksııa júrgizýdi qamtamasyz etý;
  • vahtalyq ádispen jumys isteıtin jumyskerlerdiń (vahtaǵa kirý jáne shyǵý kezinde) tolyq kólemde PTR tekserilýin qamtamasyz etý;
  • áýejaılarǵa, temirjol vokzaldaryna kútip alýshylar men shyǵaryp salýshylardyń kirýine tyıym salý (qolynda bıleti bolǵan jaǵdaıda ǵana ótkizý);
  • adamdar kóp jınalatyn oryndarǵa erekshe nazar aýdara otyryp, monıtorıngtik toptardyń karantın rejımin saqtaý jónindegi jumysyn kúsheıtý;
  • karantın rejımin saqtaý qajettiligi týraly halyq arasynda aqparattyq-túsindirý jumystaryn kúsheıtý jóninde sharalardy qabyldaý. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir