15 Qazan, 2020 Saıasat

Qyrǵyzstan prezıdenti otstavkaǵa ketti

Foto: ashyq derekkóz

Qyrǵyzstan prezıdenti Sooronbaı Jeenbekov búgin eldegi qazirgi qoǵamdyq-saıası jaǵdaıǵa baılanysty qyrǵyz halqyna úndeý jasap, otstavkaǵa ketetinin málimdedi. Bul týraly 24.kg saıty habarlady. 

Onyń aıtýynsha, eldegi, atap aıtqanda Bishkektegi jaǵdaı shıelenisti bolyp qala beredi.

Keshe Jogorký Keńesh úkimettiń quramyn bekitti, men tıisti taǵaıyndaýlar týraly Qyrǵyz Respýblıkasy Prezıdentiniń jarlyqtaryna qol qoıdym. Biraq bul shıelenisti jeńildete almady. О́kinishke qaraı, agressııa basylmaı keledi, meniń tez arada otstavkaǵa ketýimdi talap etý jalǵasyp jatyr. Men eshkimdi arandatýshylyqqa boı aldyrmaýǵa shaqyramyn. Men úshin Qyrǵyzstandaǵy beıbitshilik, eldiń tutastyǵy, halqymyzdyń birligi jáne qoǵamdaǵy tynyshtyq bárinen buryn turady. Men úshin ár jerlesimniń ómirinen qymbat eshteńe joq. Men bılikke jabysyp turǵan joqpyn. Men Qyrǵyzstan tarıhynda óz azamattaryna qan tógip, oq atqan prezıdent retinde qalǵym kelmeıdi. Sondyqtan men jumystan ketýge sheshim qabyldadym, – dedi Sooronbaı Jeenbekov.

Sooronbaı Jeenbekov Djaparovty jáne basqa saıasatkerlerdi el astanasynan óz jaqtastaryn alyp ketýge jáne bishkektikterge beıbit ómirdi qaıtarýǵa shaqyrdy.

Sooronbaı Jeenbekov Qyrǵyzstan Respýblıkasynyń prezıdenti bolyp 2017 jyly saılanǵan bolatyn. 

Ilmek sózder: Qyrǵyzstan mıtıng

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir