Talǵar aýdanynyń ákimi Serikjan Erekeshev óńirdegi úsh sport mektebine avtokólik kiltin tabystap, sportshy jastar men jattyqtyrýshylar quramyn qýanyshqa keneltti.

Serikjan Qazıuly sport mektepteriniń basshylaryna kólik kiltterin saltanatty túrde tabys ete otyryp, oblys basshysynyń ystyq sálemin aıtty. Sóz sońynda sport mektepterine aýdandyq ákimshilik tarapynan qajetti qoldaýlar kórsetiletindigin tilge tıek etti.

– «Almaly» balalar men jasóspirimder sport mektebiniń ashylǵanyna eki jyl tolady. Osy ýaqyt aralyǵynda sporttyń 13 túri boıynsha 954 bala sportpen shuǵyldanyp, birazy túrli deńgeıdegi sporttyq jarystarda jeńimpaz atanyp, bıikterden kórinýde. Talǵarda talantty sportshylar ósip keledi. Oblys ákimi Amandyq Batalovtyń qoldaýymen qolymyzǵa shaǵyn avtobýstyń kiltin alyp otyrmyz. Bizdiń ujym úshin zor qýanysh. Sebebi, sport mektebi ashylǵaly beri kóligimiz bolmaǵan. Endi balalardyń jarystarǵa qatynaýynda qıyndyqtar týyndamaıdy, – dedi atalǵan sporttyq mekemeniń dırektory Aıgúl Bıtýova.

– Avtokólik alǵanymyzǵa óte qýanyshtymyz. Balalardy jarystarǵa jetkizýimizge, sondaı-aq, sport mektebiniń ishki qajettiligin óteýge, velosıpedke kerek qosymsha qural-jabdyq alý úshin de qatynas kóligi retinde kóp kómegi tıetin bolady. Aýdanda velosportqa áýes 500 bala osy sporttyń jandanýyna atsalysyp keledi. Olardyń arasynda respýblıka chempıondary da bar, – dedi úsh jeńil kóliktiń kiltin alǵan Andreı Kıvılev atyndaǵy velosporttan oblystyq olımpıada izbasarlaryn daıyndaýǵa arnalǵan arnaýly balalar men jasóspirimder sport mektebiniń dırektory Sergeı Tretıakov. Sonymen qatar, 16 oryndy «Gazel» shaǵyn avtobýsynyń kiltin alǵan qysqy sport túrlerinen oblystyq mamandandyrylǵan balalar men jasóspirimder sport mektebiniń basshysy Qaırat Nurbaev ta aýdan ákimine rızashylyǵyn bildirdi. Avtokólik kiltterin saltanatty túrde tabystaǵan soń aýdan ákimi Serikjan Erekeshev «Almaly» sport mektebiniń jumysymen tanysty. Sporttyń 13 túrinen, sonyń ishinde, jaǵajaı voleıbol, taekvondo, karate, qazaqsha kúres, boksten jan aıanbaı jattyǵyp jatqan jasóspirimderdiń qyzý daıyndyqtaryna rızashylyǵyn bildirgen ol kezdesý barysynda balalardyń sporttan qol úzbeýlerine jáne alǵa qoıǵan maqsattaryna jetýlerine izgi nıetin bildirdi. Osy tusta aýdan ákimi Serikjan Qazıulynyń jas shaǵynda kúrespen aınalysqandyǵyn, qazirgi kezde ara-tura fýtbol oınaıtyndyǵyn da surap, bildik.

– Aýdanymyzda sporttyq mektepterdiń bazasy jyldan-jylǵa tolyǵyp, jańartylýda. Sportsúıer jastarymyzdyń jattyǵýyna, jarystarǵa qatysýyna barlyq jaǵdaı qarastyrylǵan. Avtokóliktiń alynýy da sonyń dáleli. Bıylǵy jylǵa jospar boıynsha 48090.0 myń teńge qarajat bólindi. Sonyń 20500 myń teńgesine «Almaly» BJSM-ne «Hyindai H350» 17 oryndy shaǵyn avtobýsy, qysqy sport túrlerinen oblystyq mamandandyrylǵan balalar men jasóspirimeder mektebine 11500 myń teńgege 16 oryndy «Gazel» shaǵyn avtobýsy, al A.Kıvılev atyndaǵy velosport mektebine quny 6250 myń teńgelik «Lada Vesta» jáne 7 oryndy 2 «Lada Largus» avtokólikteri 9840.0 myń teńgege berildi, – deıdi Talǵar aýdandyq deneshynyqtyrý jáne sport bóliminiń basshysy Amanjol Nurmanov.

Osylaısha jańa avtokóliktiń kiltterin alǵan sport mektepteriniń basshylary men jattyqtyrýshylar, jasóspirimder qýanyshtaryn jasyra almaı, jeńis týyn jelbiretýge ýáde berdi.

"Qamshy" silteıdi
Ilmek sózder: Almaty oblysy sport

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir