Depýtattar zeınet jasyn tómendetýdi usyndy

Parlament májilisiniń kezekti otyrysynda depýtat Aıqyn Qońyrov Qazaqstanda zeınet jasyn 60 jasqa deıin tómendetý máselesin kóterdi.

– Kommýnıster COVID-19 ekinshi tolqyny, koronavırýs mýtasııasy qaýpiniń ósýi, vırýstyń basqa da qaýipti shtamdarynyń paıda bolýy kezinde qart kisilerdiń densaýlyǵyn saqtaý kerek dep sanaıdy. Aýrýy bar egde jastaǵy kisilerdiń oqshaýlanýy úshin barlyq jaǵdaıdy jasaý, sondaı-aq máselelerdi ýaqytyly sheshý mańyzdy, – dedi depýtat.

Ol osy maqsatta áıelder men erlerdiń zeınet jasyn 60 jasqa deıin tómendetý týraly bastama kóterdi.

– 2013 jyly biz áıelderdiń zeınetke shyǵý jasyna baılanysty zeınetaqy reformasyn qoldamadyq. Búgin partııanyń oblystyq jáne qalalyq komıtetterinde qoǵamdyq pikirtalastar serııasynda aıtylǵan azamattardyń pikirlerine súıene otyryp, biz azamattarymyzdyń zeınetke shyǵý jasyn azaıtýdy jáne áıelder men erlerdiń zeınet jasyn 60 jasqa deıin tómendetýdi usynyp otyrmyz, – dedi A.Qońyrov premer-mınıstrge joldaǵan saýalynda.