02 Qazan, 2020 NEWS

Senat janynan Jas sarapshylar klýby quryldy

Foto: QR parlamenti senatynyń baspasóz qyzmeti

Parlament Senatynyń Tóraǵasy Máýlen Áshimbaev Palata janyndaǵy Jas sarapshylar klýbynyń múshelerimen kezdesti.

Kezdesýdi ashqan Senat Tóraǵasy is-sharaǵa qatysýshylarǵa Prezıdent Joldaýyn iske asyrýǵa qatystyelimizdiń aldynda turǵan basty mindetterdi, sondaı-aq,Senat pen sarapshylar qaýymdastyǵy arasyndaǵy yntymaqtastyqtyń ózara is-qımyl múmkindikterintalqylaýdy usyndy.

Máýlen Áshimbaev óz sózinde memleketimiz benqoǵamymyzdyń qazirgi kezeńdegi damýyn aıqyndaıtyn úrdisterge taldaý jasady.

«Senattyń aldynda turǵan negizgi mindet – Memleket basshysynyń Joldaýynda kórsetilgen barlyq basymdyqtardy zańnamalyq turǵydan qamtamasyz etý. Osy jumys barysynda bizge qoǵamdyq uıymdar men ártúrli sala mamandarynyń pikirin tyńdaý, olardy eskerý mańyzdy. Sondyqtan búgin Senat janynan Jas sarapshylar klýbyn qurýdy usynamyz. Sizderdiń bilimderińiz, kúsh-qýattaryńyz jáne tájirıbelerińiz Qazaqstandy ózgertýge jáne Prezıdentimizdiń reformalaryn iske asyrýǵa tyń serpin beredi dep senemin», – dedi Senat Tóraǵasy.

Foto: QR parlamenti senatynyń baspasóz qyzmeti

Sonymen qatar Máýlen Áshimbaev Memleket basshysynyń jańǵyrtý baǵdary men Joldaýyn júzegeasyrý kezinde basshylyqqa alatyn qaǵıdalardy atap ótti. Birinshisi – júıelilik qaǵıdasy.

«Qazir el damýynyń basqa baǵyttaryn eskerýsiz qaldyryp, bir salany ǵana reformalaýǵa bolmaıdy. Mysaly, saıası reformalarsyz ekonomıkalyq damý bolmaıdy. Memlekettik basqarý júıesinde reforma júrgizbese ekonomıkada eleýli ózgerister bola qoımaıdy. О́z kezeginde memlekettik basqarýdaǵy ilgerileý bilim sapasyna tikeleı baılanysty», – dediMáýlen Áshimbaev.

Ekinshisi – standartty emes sheshimder qaǵıdasy. «Búgingi álem tym kúrdeli jáne tez ózgerýde. Ol burynǵy qabyldaýlar men júıeleýge saı kelmeıdi. Sondyqtanmemleket pen qoǵamǵa problemalardy sheshýdiń standartty emes tásilderi qajet», – dep atap ótti Senat Tóraǵasy.

Úshinshisi – máseleniń mán-mańyzyna zer salý.

«Qazirgi shyndyqqa sáıkes kele bermeıtin aqparattar jáne qoǵamdyq sanany manıpýlıasııalaýdáýirinde syrtqy kórinisterge emes, ishki mazmunǵa nazar aýdara otyryp, qubylystar men prosesterdiń mánin túsiný qajet», – dedi Máýlen Áshimbaev.

Kezdesý barysynda Klýb músheleri Prezıdenttiń«Jańa jaǵdaıdaǵy Qazaqstan: is-qımyl kezeńi» atty Joldaýyn iske asyrýǵa qatysty óz oılaryn aıtty.

Pikirtalasqa qatysýshylar memleket pen qoǵamdy odan ári jańǵyrtý úshin zańnamalyq qyzmette jas salalyq sarapshylardyń áleýetin paıdalanýdyń mańyzy zor ekenin atap ótti.

Zańger Mýslım Hasanovtyń aıtýynsha, kez kelgen zańnama sarapshylardyń qatysýymen tııanaqty ázirleýdi talap etedi. Zań jobasyn ázirleýdegi asyǵystyq pen únemi túzetýler engizý adamdardy shatastyrady jáne zańnamaǵa degen senim joǵalyp, máselelerin ózge joldarmen sheshýge daǵdylanady. Mysal retinde ol asyǵys qabyldanǵan Eńbek Kodeksin keltirip, nátıjesinde oǵan bes jyldyń ishinde 350 ózgeris engizilgenin aıtty.

«Búginde eshkimge qupııa emes, zańdy qabyldaýdyń belgilenip qoıǵan merzimderi bar jáne ázirleýshiler zańdy tez arada qabyldaýǵa asyǵady. Al ózgeristerdi keıin de engize berýge bolady dep esepteıdi. Mysaly, Eńbek kodeksi osydan bes jyl buryn qabyldandy jáne osy bes jyldyń ishinde Kodekske 350 ózgeris engizildi. Bul bastapqy ázirlengen jobanyń sapasyn jáne tıisti talqylaýlar bolmaǵanyn kórsetedi. Zańnamanyń turaqsyzdyǵy halyqtyń oǵan degen senimin jáne zańǵa degen qurmetin tómendetedi», – dedi Mýslım Hasanov.

Jas sarapshylar klýbynyń quramynda memlekettik basqarý, ekonomıka, qarjy, áleýmettik qoldaý, sot-quqyqtyq reforma, bilim berý, densaýlyq saqtaý jáne sıfrlandyrý salalary boıynsha 30-dan astam maman bar. Klýbtyń aldaǵy otyrystary ózekti qoǵamdyq-saıası, ekonomıkalyq jáne áleýmettik máselelerge arnalady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir