Búgin prezıdent Qasym-Jomart Toqaev ulttyq ekonomıka mınıstri Rýslan Dálenovti qabyldady, dep habarlady Aqorda saıty.

Prezıdentke ekonomıkalyq ósimdi qalpyna keltirýge jáne azamattardyń ál-aýqatyn arttyrýǵa baǵyttalǵan Qazaqstannyń jańa ekonomıkalyq baǵdarynyń negizgi qaǵıdalaryn júzege asyrý jaıynda baıandaldy.

Qasym-Jomart Toqaevqa ekonomıkany basqaratyn qurylymdardy jáne memlekettik-jekemenshik seriktestiktiń mehanızmderin jetildirý, ınvestısııa tartý sharalary jóninde málimet berildi. Sonymen qatar áleýmettik nysandar salý jáne turǵyn úı-kommýnaldyq sektordy jańǵyrtý máseleleri sóz boldy.  

Memleket basshysy aýyldyq jerlerdi damytýdyń perspektıvalaryna, sonyń ishinde "Aýyl – el besigi" jobasyna erekshe nazar aýdardy. Osy bastamanyń aıasynda bes jyl ishinde 3500 aýyldy jańǵyrtý kózdelýde. Prezıdent aýyldyq jerlerdegi ınfraqurylymnyń sapasyn qalalyq deńgeıdegi standartqa jaqyndatýdy tapsyrdy.    

Kezdesý barysynda mıkro jáne shaǵyn bıznesti tekserýge jarııalanǵan moratorıı úsh jyl ishinde 100 myńǵa jýyq tekseris júrgizýdi boldyrmaýǵa múmkindik beretini atap ótildi. Bul bıznesti retke keltirý isiniń jańa paraǵyn ashýǵa oń yqpal etedi.  

Qasym-Jomart Toqaev mınıstrge bıznes júrgizý isin retteýdi jáne salyq salýdy jeńildetý jóninde birqatar tapsyrma berdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir