28 Qyrkúıek, 2020 NEWS

Dollar baǵamy ósip barady. Nege?

Kórneki sýret

Qazaqstannyń qor bırjasynda shetel valıýtasy saýdasynyń tańǵy sessııasy aıaqtaldy.

AQSh dollarynyń teńgege shaqqandaǵy ortasha baǵamy 428 teńgeni qurady.

Aıyrbastaý oryndarynda dollar 429-430 teńgeden saýdalanyp jatyr.

Munaı baǵasynyń aıtarlyqtaı ózgermegenine qaramastan dollardyń ne sebepti qymbattap jatqanyn ulttyq banktiń valıýta operasııasy departamentiniń dırektory Nurjan Tursynhanov túsindirdi.

Onyń sózinshe, dollar koronavırýstyń yqtımaldy ekinshi tolqyny men AQSh-taǵy prezıdent saılaýy qarsańynda nyǵaıa túsken.

Sarapshy pandemııaǵa baılanysty daǵdarystyń sozylýynan keı memleketterdiń ekonomıkasyn ońaltý sharalarynyń uzara túskeni, koronavırýstyń ekinshi tolqynyna Eýropadaǵy alańdaýshylyq pen shekteýler AQSh valıýtasyn qoldaýǵa jaǵdaı jasaıtyn faktorlardy qalyptastyrǵanyn atap ótti. Dollar ındeksiniń ósýi munaı baǵasynyń azdap tómendeýine áser etken.

Osyndaı syrtqy faktorlar saldarynan dollardyń teńgege shaqqandaǵy baǵamy qymbattaǵan.
 
Sondaı-aq túrik lırasy, brazılııalyq real, ońtústikafrıkalyq rand, reseılik rýbl de qunsyzdanǵan.                          

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir