28 Qyrkúıek, 2020 Barlyq aımaqtar

A.Mamın men R.Mınnıhanov 261 mıllıard teńge ınvestısııaǵa úsh avtomobıl jobasyn bastady

Foto: primeminister.kz

Qostanaı qalasynda QR premer-mınıstri Asqar Mamın men Tatarstan Prezıdenti Rýstam Mınnıhanov kelissóz júrgizip, Qazaqstanda 261 mlrd teńge ınvestısııaǵa úsh birlesken avtomobıl jasaý jobasyn iske asyrýdy bastap berdi

Iske asatyn jobalar qatarynda mynalar bar: Qostanaı Indýstrııalyq aımaǵynda "KAMAZ" shoıyn quımasyn jáne júk tehnıkasynyń beldigine arnalǵan quramdas bólshekter óndirý zaýyttaryn salý, sondaı-aq Qaraǵandy oblysynyń Saran qalasynda avtomobıl shınalary óndirisin ashý.

Birlesken kásiporyndardyń jobalyq qýattylyǵy jylyna 40 myń quıylǵan komponentti (sılındr bloktary, sılındr bloktarynyń bastıekteri jáne júk avtomobılderine arnalǵan beldik karteriniń tutas quıylǵan arqalyqtary) jáne júk avtomobılderiniń jetekshi beldiginiń bas berilisteriniń 86 myń redýktoryn quraıdy. Investısııanyń jalpy kólemi — 150,7 mlrd teńge. Shektes salalardy eskere otyryp, shamamen 1 200 jańa jumys orny qurylady. О́nimdi jergiliktendirý deńgeıi 60-70%-ǵa jetedi. Zaýyttardy salýdy 2023 jyly aıaqtaý kózdelgen.

Jobalardy iske asyrý Qazaqstandy TMD naryǵyndaǵy júk tehnıkasyn iri óndirýshi jetkizýshilerdiń jahandyq tehnologııalyq tizbegine qosady — "KAMAZ" JAQ – ónimniń 95%-y eksporttalady.

A. Mamın men Tatarstan Prezıdenti R. Mınnıhanovtyń qatysýymen Qaraǵandy oblysynyń ákimdigi men "Tatneft" JAQ arasynda avtomobıl shınalaryn óndirý jobasyn Qaraǵandy oblysynyń Saran qalasynda iske asyrý týraly ınvestısııalyq memorandýmǵa qol qoıyldy.

Zaýyttyń óndiristik qýattylyǵy jeńil tehnıkaǵa arnalǵan 3 mln shına men kommersııalyq tehnıka jáne avtobýstarǵa arnalǵan 500 myń shınany quraıdy. Munda 1 myńnan astam jańa jumys orny qurylady. Investısııanyń jalpy kólemi shamamen 111 mlrd teńgeni quraıdy. Jobany 2022 jyly iske asyrý josparlanǵan.

Avtomobıl jasaý salasyndaǵy óndiris kólemi jyl basynan beri 51,8%-ǵa ulǵaıdy, negizgi kapıtalǵa salynǵan ınvestısııalar 6,6 eseden astamǵa – 9,4 mlrd teńgege deıin artty, — dedi A. Mamın.

Ilmek sózder: Asqar Mamın

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir