Raıymbek aýylynda sporttyq nysan ashyldy

Qarasaı aýdanyndaǵy memlekettik-jekemenshik áriptestigi aıasynda júzege asyrylǵan "Nur-Aman" dene shynyqtyrý-saýyqtyrý kesheniniń tusaýkeser rásimi ótti. Sharaǵa Almaty oblysynyń ákimi Amandyq Batalov qatysty.

Raıymbek aýylynda boı kótergen ǵımarat Qarasaı aýdanynda azamattardyń bastamasymen júzege asqan ekinshi joba ekenin aıta ketý kerek.

– Bıylǵy jyly búkil álemmen birge bizdiń memleketimiz de asa jaýapty synnan ótti,– dedi Amandyq Ǵabbasuly «COVID – 19» pandemııasyna baılanysty týyndaǵan máselelerdi eske salyp. – Degenmen, karantın jaǵdaıyna qaramastan oblysymyzda aýqymdy sharalar atqarylyp jatyr. Sonyń aıqyn bir dáleli – búgingi Raıymbek aýylynda paıdalanýǵa berilgen dene shynyqtyrý-saýyqtyrý kesheni. Oblystyń kásipker azamattary buqaralyq sportty damytýdy júzege asyrýǵa, týǵan jerin kórkeıtýge belsene atsalysyp keledi. Mesenattardyń ekonomıkanyń basqa salalarymen qatar sportqa qoldaý kórsetýi – óskeleń urpaqqa qyzmet etkeni dep túsinemiz.

Atalǵan nysan memlekettik-jekemenshik áriptestik aıasynda salyndy. Keshen zamanaýı jabdyqtarmen jabdyqtalǵan. Sport kesheninde bokspen, kúrespen, dzıýdomen, taekvandomen, aýyr atletıka jáne fýtbolmen aınalysýǵa barlyq múmkindikter jasalynǵan.

Elbasy Nursultan  Nazarbaevtyń qoldaýy jáne Prezıdentimiz Qasym-Jomart Toqaevtyń halyqqa Joldaýynda bergen tapsyrmalardy oryndaý nátıjesinde halyqaralyq arenada Qazaqstan sportynyń bedeli jyl sanap artýda. Bizdiń sportshylar túrli dodalarda jeńis tuǵyrynan kórinip, qazaq elin álemge tanytyp keledi. Aldaǵy ýaqytta buqaralyq sportty damytý bastamasy boıynsha mundaı keshender oblysymyzdyń barlyq aýdandary men qalalarynda boı kóteretin bolady.

Jańa ashylǵan sport kesheni turǵyndarǵa qyzmet etip, munda elimizdiń abyroıyn arttyratyn respýblıkalyq jáne halyqaralyq deńgeıdegi jarystar ótedi dep senemin.

Kelesi bolyp sóz alǵan «Nur-Aman» sporttyq kesheniniń salynýyna muryndyq bolǵan oblysymyzdyń Qurmetti azamaty, general-leıtenant Amangeldi Shabdarbaev kindik qany tamǵan aýylǵa qamqorlyq jasaýdy perzenttik paryzy sanaıtynyn aıta kelip, osy keshennen bolashaqta elimizdiń Kók baıraǵyn jelbiretetin sportshylar shyǵatynyna senim bildirdi. Sońynda Amandyq Ǵabbasulyna ataqty sportshylardyń qoltańbasy bar voleıbol dobyn syılady.

Qazaqstan Respýblıkasynyń úsh dúrkin chempıony, karateden eki dúrkin «qara belbeý» ıegeri Bekjan Súndebekov bolsa, jańa keshende jattyǵatyn jastarǵa bıik minberlerden kórinýine tilektestik bildirdi. Al aýyl aqsaqaly Imanjan О́mirqululy jurtshylyqtyń izgi nıetterin aıtyp, aq batasyn arnady. «Elıtstroı proekt» qurylys kompanııasynyń basshysy Qaırat Orazbekov jańadan ashylǵan sport kesheniniń kiltin «Nur-Aman» dene shynyqtyrý-saýyqtyrý ortalyǵynyń dırektory Aıgúl Iskakovaǵa saltanatty túrde tabys etti.

Saltanatty jıynda Amandyq Ǵabbasuly halqymyzdyń izgi dástúri boıynsha jurtshylyq aldynda aýyldastaryna osyndaı úlken syı jasaǵan Amangeldi Smaǵululynyń ıyǵyna shapan jaýyp, «Jetisý» voleıbol komandasynyń formasy men oıynshylardyń qoldary qoıylǵan dopty tartý etti.

Keshenniń alqyzyl lentasy qıylǵannan keıin saltanatqa jınalǵan qonaqtar ǵımarattyń ishin aralap kórip, voleıbol, boks, kúres, gımnastıka zaldary men shahman-doıby bólmesiniń jumysymen tanysty. О́lke basshysy men sport mesenattary boksshylarǵa bulǵary qolǵaptar, balýandarǵa arnaıy kıimderin syılap, taǵy bir berekeli sharýany bastap jiberdi.

Amandyq Ǵabbasuly men Amangeldi Smaǵululy oblysymyzdyń abyroıyn asqaqtatyp júrgen «Jetisý» voleıbol komandasynyń oıynynshylaryna arnaıy medal tabystasa, jınalǵan qaýymǵa tamasha oıyn úlgisin kórsetti.