21 Qyrkúıek, 2020 NEWS

Tekeli qalasynyń ákimi óz erkimen qyzmetten ketkenin málimdedi

Foto Bahtııar О́nerbaevtyń facebook jelisinen alyndy

Almaty oblysy Tekeli qalasynyń ákimi Bahtııar О́nerbaev óz erkimen otstavkaǵa ketkenin málimdedi. Ol bul týraly facebook-tegi paraqshasynda jazdy.

"Qurmetti Tekeli turǵyndary!

Men Qazaqstan Respýblıkasynyń "Memlekettik qyzmet týraly" Zańyna sáıkes, zań ústemdigin qurmet tutatyn azamat retinde óz erkimmen otstavkaǵa suranyp, ótinish jazdym. Jáne búgin oblys ákimi – Amandyq Ǵabbasuly otstavkamdy qabyldady.

2016-jyldyń qarasha aıynan bastap ózderińizdiń qoldaýlaryńyzben osy ýaqytqa deıin azdy-kópti qyzmet atqardym. "Jer Jánátti Jetisýdyń" jaýhary bolǵan – Tekeli qalasynda ákim bolyp qyzmet etkenimdi úlken mártebe sanaımyn. Sizdermen birge qoıan-qoltyq Tekeliniń ósip-órkendeýine, damýyna qoldan kelgenshe úles qostyq. Árıne, áli kúnge deıin kóptegen máselelerdiń túıini sheshilmegeni meni de mazalaıdy. Bir qýantatyn jáı – Tekeli qalasyndaǵy eń ózekti máselelerdiń biri bolǵan – sý máselesi jartylaı sheshildi, endi jalǵasyn tappaq. Ekinshisi – ekologııalyq másele, ıaǵnı, qorǵasyn-myrysh zaýytynyń qala ortasyndaǵy jatqan óndiristik qaldyǵynyń rekýltıvasııasy jobasy bastaldy, jyldyń sońyna deıin aıaqtalý qajet" dep jazǵan Baqtııar О́nerbaev ózine kórsetkenderge alǵys aıtyp, Tekeli qalasy eń damyǵan, týrıstik qalanyń birine aınalatynyna senim bildirdi.

Baqtııar О́nerbaev óziniń qolastyndaǵy qyzmetker  ákim apparatynyń basshysy Baqadúr Norqulovqa 2020 jylǵy 6 tamyzynda Tekeli qalalyq sotynyń úkimi shyǵyp, 15 mln teńge aıyppul salynǵannan keıin 27 tamyzda otstavkaǵa ketýge ótinish jazǵan.

Baqadúr Norqulov "Múgedekter qoǵamy" qoǵamdyq birlestiginen 3,7 myń dollar qarjy para aldy dep aıyptalǵan. Ol para alý sátinde qashpaq bolyp, aǵysy qatty ózenge sekirip, ómirin qaterge tikken.

Artynsha, sheneýnik kinásin moıyndap, prosesýaldy kelisimge kelgen.

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir