Memlekettik qyzmetten kimder qysqarady?

Memlekettik qyzmet isteri agenttiginiń tóraǵasy Anar Jaıylǵanova memlekettik qyzmetten kimder qysqaratyny týraly ortalyq kommýnıkasııalar qyzmetiniń brıfınginde habarlady.

Onyń aıtýynsha, bos oryndardy alyp tastap, zeınettegilerdi shyǵarý esebinen shtat qysqarady. Sondaı-aq bıyl qyzmetkerlerdiń on paıyzy, kelesi jyly 15 paıyzy qysqartylýy kerek. Bul kezde 8,5 paıyz jumys úlesi bos turady. Bıyl qysqartý osy bos oryndardyń esebinen qamtamasyz etiledi.

– Árbir memlekettik organ bul máseleni sheshedi. Budan basqa, biz resýrsty da paıdalanatyn bolamyz: bizde jumyskerlerdiń zeınetke shyǵýy esebinen jyl saıyn myńnan asa oryn bosaıdy. Taǵy alty myńǵa jýyq jeke sektorǵa nemese basqa uıymdarǵa baratyndar jyl saıyn aýysyp otyrady. Bul erejeler de qoldanylady. Biraq biz naqty adamdardy qysqartpaımyz. Olardy jumyssyz qaldyrmaımyz. Barlyǵy oılastyrylatyn bolady. Meniń oıymsha, memlekettik organnyń kez kelgen basshysy jumystan qysqaryp qalatyn adamdarǵa qamqorlyq jasaıdy, – dedi ol.