15 Qyrkúıek, 2020 Saıasat
Kórneki sýret
Qoǵam belsendisi, Demokratııalyq partııa qurý boıynsha yntaly top jetekshisi Janbolat Mamaı men onyń jaqtastary 4 tamyzda bir rettik nesıe amnıstııasyn jarııalaý bastamasyn qoldaǵan 100 myńǵa tarta adamnyń qolyn prezıdent ákimshiliginiń kanselıarııasyna ótkizgen. Belsendilerdiń bastamasyna búgin, 15 qyrkúıekte qarjy naryǵyn retteý jáne damytý agenttiginen jaýap keldi.
Joldanǵan hatta kredıtteý kóleminiń shamadan tys ósip ketpeýi úshin agenttik tarapynan jasalǵan, jasalyp jatqan sharalar tizimi usynylyp, syrǵytpa jaýap berilgen.
Hat mátininiń sońynda bankterden qaryz alýshylardyń bereshegin qaıta qurylymdaýǵa, borysh júktemesin azaıtýǵa baǵyttalǵan sharalardy júrgizý talap etiledi deline kele, boryshkerlerdiń kredıt boıynsha mindettemesin oryndatqyzatyn, ıaǵnı kredıtti tóletetin sharalar da talap etiledi dep kórsetilgen.
Belsendi Mamaı facebook paraqshasyna "aryz tapsyrǵan 100 myńǵa tarta adamnyń máselesi jeke qaralady delingen (hatta - red). Biraq búkil elde talap oryndalý úshin myńdaǵan adam qatysqan beıbit mıtıng kerek ekeni sózsiz" degen jazba qaldyrdy.
Artynsha áleýmettik jelide tikeleı efırge shyǵyp, "bılik 13 qyrkúıektegi mıtıngke az adam jınalǵandyqtan osyndaı syrǵytpa jaýap berdi" degendi aıtyp, nesıe amnıstııasyn jarııalatý úshin talapty kóptep qoıý qajettigine nazar aýdardy. Sóz sońynda talap oryndalýy úshin Dempartııamen birge jumysty ary qaraı jalǵastyrýǵa shaqyrdy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir