Emhanaǵa tirkeý naýqany jaıly ne bilý kerek?

Qazaqstanda emhana tańdaý naýqany bastaldy. 15 qyrkúıekte bastalatyn dástúrli naýqan eki aıǵa sozylady. Bul týraly "Áleýmettik medısınalyq saqtandyrý qory" KEAQ Almaty qalalyq fılıaly habarlady.

Fılıal málimetinshe, tirkeý ótken jyldan bastap eGov elektrondyq úkimet portaly arqyly júrgizilip keledi. Tirkelý úshin elektrondyq sıfrlyq qoltańba qajet.

– Tirkeý prosesiniń avtomattandyrylýy azamattardy emhanaǵa "syrttaı" tirkeý faktileriniń aldyn alýǵa kómektesedi. Sonymen qatar, erkin tańdaý prınsıpi boıynsha azamat ózi turyp jatqan bir ákimshilik birlik aýmaǵyndaǵy emdeý mekemesiniń birine tirkele alady. Oblystyq jáne respýblıkalyq mańyzy bar qalalarda bir aýdan ishindegi emhanany tańdaýǵa bolady, – dedi Tileýhan Ábildaev.

Onyń aıtýynsha, búgingi tańda Almaty qalasynda kepildendirilgen tegin medısınalyq kómek paketi men medısınalyq saqtandyrý paketi sheńberinde 74 emhana qyzmet kórsetedi. Onyń jartysyna jýyǵy – jekemenshik.

– Tirkeý naýqany barysynda tek memlekettik qana emes, jekemenshik emdeý uıymdaryna da tirkelýge bolady. Tek tańdap alynǵan klınıka medısınalyq saqtandyrý qorymen kelisimshart bekitken bolýy shart. Jetkizýshi kompanııalardyń tolyq tizimimen qordyń fms.kz saıty arqyly tanysýǵa bolady, – dedi fılıal basshysy.

Sonymen qatar, birqatar sanattar burynǵysha emhananyń tirkeý bólimi arqyly tirkele alady. Olar:

• Zeınetkerler men múgedekter
• stýdentter
• balalardyń zańdy ókilderi men balalyq shaqtan múgedek turǵyndardyń qamqorshylary  
• shetelde týǵan balalar
• túrmede jazasyn ótep jatqandar (sol jerdegi emdeý mekemesine)
• áskerı boryshyn ótep jatqandar
• bóbekter, balalar men qarttar úıleriniń turǵyndary
• resmı senimhat arqyly tirkeletinder

Bıylǵy naýqan kezinde basqa emhanaǵa tirkelgen turǵyndar tańdaǵan emhana qyzmetin 2021 jyldyń 1-qańtarynan bastap paıdalana alady. Iаǵnı, jyldyń sońyna deıin burynǵy emhanaǵa qaralady.