09 Qyrkúıek, 2020 NEWS

Aýrýhananyń burynǵy ǵımaraty jaıly kópqabatty turǵyn úıge aınalady

Foto: ashyq derekkóz

Tarbaǵataı aýdanyndaǵy burynǵy aýrýhana ǵımaratyna kúrdeli jóndeý jumystary júrgiziledi. Basty maqsat - osydan 9 jyl buryn osy jerden baspana alǵan turǵyndardyń jaıly orynda ómir súrýi.

Aýdandaǵy turǵyn úı máselesi 2011 jyly «erekshe» táselimen sheshilgen. Sóıtip, aýrýhana ǵımaraty jóndelip, turǵyn úı kezeginde turǵan adamdarǵa baspana retinde berilgen.

Búginde bul ǵımaratta 14 kópbalaly otbasy turady. Ǵımarat bolsa, jóndeýdi talap etedi. ShQO ákimi Danıal Ahmetov Tarbaǵataı aýdanyna  jumys sapary barysynda osy turǵyn úıdiń ıelerimen kezdesti. Basqosý barysynda aımaq basshysy oblystyq bıýdjet esebinen qarajat bólinip, munda jóndeý jumystary júrgizilip, aýla abattandyrylyp, barlyq kommýnıkasııalyq jeliler jańartylatynyn atap ótti. Osy baǵyttaǵy jumystardy Tarbaǵataı aýdanynyń jańa ákimi Ashat Ismaılov baqylaýda ustaıtyn bolady.

Bul kópqabatty turǵyn úıdiń ıeleri abattandyrý jumystaryna birge qolǵabys etetinderin aıtyp, aımaq basshysyna alǵystaryn bildirdi.

«Kópbalaly otbasylar jeke qarajattary esebinen mundaı kúrdeli jóndeý jumystaryn júrgize almaıdy. Sondyqtan biz aldaǵy ýaqytta olardyń turǵyn úıleri qaıta qalpyna keltiriletinine qýanyshtymyz. Jóndeý jumystary aıaqtalǵan soń osy aýlada mereke uıymdastyramyz», - dedi Danıal Ahmetov.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir