BUU Masanchıdegi qaqytyǵys týraly: Dúngenderdi qorqytyp, qýdalap, zań kómegin berýden bas tartqan

Birikken ulttar uıymy (BUU) Qazaqstandaǵy etnostyq dúngenderdiń jaǵdaıyna alańdaýshylyq bildirip jatyr. Bul týraly qazaqstandyq jýrnalıst Gúlnar Bajkenova facebook paraqshasynda jazdy. 

Jýrnalıst násildik kemsitýshilikti joıý komıtetiniń ókili Iаn Dýan Lıdtiń tómendegi saryndaǵy jazbasyn jarııalaǵan.

"Men sizge 101-sessııa barysynda násildik kemsitýdi joıý komıteti Qazaqstandaǵy dúngenderdiń jaǵdaıy týraly aqparat alǵanyn habarlaý úshin jazyp otyrmyn. Komıtet bul aqparatty óziniń aldyn ala eskertý jáne jedel áreket etý prosedýrasynyń bóligi retinde qarastyrdy.

Komıtetke kelip túsken aqparatta 2020 jyldyń 7-8 aqpan aralyǵynda Qazaqstannyń Jambyl oblysy Qordaı aýdanyndaǵy Masanchı, Sortóbe, Bular batyr jáne Aýhatty aýyldaryndaǵy dúngen emes azamattar dúngen adamdaryna qatysty etnıkalyq zorlyq-zombylyq jasaǵan dep aıtylady. Aqparatta osy aýyldarda turatyn dúngen azshylyǵyna jatatyn eki júzge jýyq adam jaralanyp, múlki órtenip, birneshe myń dúngen kórshi elge ketýge májbúr bolǵany aıtylady. 

Aqparatta sonymen qatar qoǵamdyq kúshter shaǵyn ornalasqan dúngengenderge tıimdi qorǵanys jasaı almady dep málimdelgen. Budan ári memlekettik organdardy dúngen azshylyǵyna jatatyn adamdardy jáne olardyń arasynda sottalǵandardy qorqytý jáne zańsyz qýdalaý áreketteri, sonyń ishinde olarǵa zańdyq turǵydan kómek kórsetýden bas tartqany úshin aıyptaıdy. Sonymen qatar, aqparat qamaýǵa alýdyń zııandy jaǵdaılary men azaptaýdyń keń taralǵan tájirıbesine silteme jasaıdy. Aqparatta ashyq tergeýdiń joqtyǵy jáne Qordaı aımaǵyna táýelsiz baqylaýshylardy qabyldaýdan bas tartý týraly aıtylady".