4 mln teńgeden asa para alǵan sheneýnik ustaldy (vıdeo)

Shyǵys Qazaqstan oblysynda 4 mln teńgeden asa para alǵan laýazymdy tulǵa ustaldy. Bul týraly sybaılas jemqorlyqqa qarsy is-qımyl agenttigi habarlady.

"ShQO-nyń sybaılas jemqorlyqqa qarsy qyzmeti arnaıy jedel-izdestirý is-sharalary kesheniniń nátıjeleri boıynsha QR IIM qylmystyq-atqarý júıesi komıtetiniń "Eńbek-О́skemen" ShJQ RMK-nyń laýazymdy tulǵasyn ustady.

Ol 2020 jylǵy shilde men tamyz aralyǵynda júıeli negizde birqatar kásipkerlerden (shaǵyn jáne orta bıznes sýbektilerinen) sharttarǵa, oryndalǵan jumystar aktilerine kedergisiz qol qoıǵany jáne olar boıynsha aqshalaı qarajat aýdarǵany úshin jalpy somasy 4 mln teńgeden artyq somany para túrinde alyp otyrǵan.

2020 jylǵy 28 tamyzda atalǵan tulǵaǵa qatysty О́skemen qalasynyń mamandandyrylǵan tergeý soty "kúzetpen ustaý" bultartpaý sharasyn sanksııalady" delingen agenttik taratqan habarlamada.