Úsh jyl buryn TJD-niń esebinde nóser jańbyr jaýǵan kezde sý astynda qalý qaýpi bar 67 ýchaske tirkelgen edi.

Bul máseleni keshendi sheshý úshin sý astynda qalý qaýpi bar ýchaskelerdiń sanyn azaıtatyn pármendi sharalar qabyldandy. Máselen, 497 shaqyrym aryq jelileri salyndy, 410 shaqyrym ózen arnalary nyǵaıtyldy.

Naqtyly júrgizilgen jumystardyń arqasynda 57 ýchaskeniń sý basyp qalý qaýpi joıyldy, nóser jańbyr kezinde olarǵa esh zııan kelgen joq. Nátıjesinde qalada sý astynda qalý qaýpi bar jerler 4 ese azaıdy, ıaǵnı sý basyp qalýy múmkin ýchaskeler 67-den 17-ge deıin azaıdy.

Almaty qalasynyń ákimi Baqytjan Saǵyntaevtyń tapsyrmasy boıynsha sý basyp qalý algorıtmi qaıta jasaldy, qatty jańbyr boljamy boıynsha qolda bar kúshter men múmkindikter qaýipti ýchaskelerge jumyldyryldy. Qoldanylǵan jedel sharalar mundaı qaýipti aımaqtardyń sanyn 7 esege deıin tómendetti.

Sý basyp qalýy múmkin 17 ýchaske boıynsha júıeli jumystar júrýde, jaýyn kárizderi, aryq jelileri salynyp, basqa da naqtyly sharalar iske asýda.

"Qamshy" silteıdi
Ilmek sózder: Almaty

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir