Elimizdiń túkpir-túkpirinde Qazaqstan Respýblıkasynyń Ata Zańynyń 25 jyldyq mereıtoıyna oraı merekelik is sharalar uıymdastyrylýda.

Esterińizge sala keteıik, egemendi Qazaqstannyń alǵashqy Konstıtýsııasy 1993 jyly qabyldandy. KSRO qulaǵannan keıin daǵdarys jaǵdaıynda qujat qabyldandy. Konstıtýsııa bas memlekettik organdardy júıelendirýge baǵyttaldy. 1995 jyly jalpy halyqtyq referendým ótti. Referendým barysynda Qazaqstan halqy jańa Konstıtýsııanyń jobasyn maquldady.  Oǵan 8 mıllıonnyń 89,14% daýys berdi. Qujatqa eki márte ózgertýler men tolyqtyrýlar engizildi. 2007 jyly Konstıtýsııaǵa jańa formattaǵy memlekettik qurylym – prezıdenttik-parlamenttik engizildi.

25 jyldyń ishinde Qazaqstannyń Ata Zańyna sáıkes ekonomıka, óndiris, ónerkásip, aýyl sharýashylyǵy, medısına jáne bilim salasy qarqyndy damydy.

Konstıtýsııa kúnine oraı Shyǵys Qazaqstandaǵy barlyq qala men aýdanda merekelik sharalar ótti.

О́ńirde «Ata Zań aptasy» aksııasy aıasynda oblystyq prokýratýra, notarıýster palatasy, kásipkerler palatasy men ádilet departamenti quqyqtyq saýaldar boıynsha onlaın-konsýltasııa uıymdastyrdy.

Mádenıet salasynda túrli onlaın-áńgimeler, kitap kórmeleri, tarıh saǵattary men «Konstıtýsııa – bolashaqtyń kepili», «Qazaqstannyń Demokratııalyq Konstıtýsııaǵa deıingi tarıhı joly», «Konstıtýsııa tarıhy – meniń elimniń tarıhy taqyryptary boıynsha elektrondy vıktorınalar ótkizildi.

Besqaraǵaı aýdanyndaǵy 10 kópbalaly otbasy úshin Ata Zańnnyń 25 jyldyq mereıtoıy erekshe esten ketpes kún boldy. Bul kúni olarǵa jańa páterdiń kiltteri tabystaldy.

Oblys jastary arnaıy chellendjdiń kómegimen onlaın vıdeo-chellendj uıymdastyrdy.

S.Amanjolov atyndaǵy Shyǵys Qazaqstan memlekettik ýnıversıteti onlaın rejımde dóńgelek ústel ótkizdi. «Qazaqstan Respýblıkasynyń Konstıtýsııasy: birlik, turaqtylyq jáne órkendeý» degen ataýmen uıymdastyrylǵan dóńgelek ústelge ǵalymdar, sarapshylar, sot ókilderi, prokýratýra jáne basqa memlekettik organdardyń qyzmetkerleri, sondaı-aq oqytýshylar men ýnıversıtettiń stýdentteri qatysty.

О́skemende Konstıtýsııa kúnine oraı «Jas tehnıkter stansasy» atty kreatıvti bilim berý ortalyǵy ashyldy. Sonymen qatar oblys ortalyǵyndaǵy belsendi qala turǵyndaryna «О́skemen qalasynyń qurmetti azamaty» atty tósbelgiler tabystaldy.

Shemonaıha aýdanynyń jastary Voroshılov jáne Ivanovskıı jotalaryna baryp, Qazaqstan Respýblıkasynyń týyn tikti.

Koronavırýs pandemııasyna qaramastan óńirde merekelik sharalar onlaın rejımde uıymdastyrylýda. 

Oblys turǵyndary 2D jáne 3D grafıkasynyń kómegimen, sondaı-aq anımasııa arqyly  «El tiregi, el baqyty – Ata Zań!» atty konsertti tamashalaı alady.

О́skemenniń ortalyq kóshelerinde merekelik kúnge oraı qala turǵyndary tý men kitaptar taratylýda. Budan bólek oblys ortalyǵynda 100 oryndyq balabaqsha qoldanysqa berildi. Atalmysh nysannyń qurylys jumystary jeke ınvestısııa kózderi esebinen salyndy. Sonymen qatar № 49 jalpy orta bilim beretin mekteptiń saltanatty túrde ashylýyn ótkizý josparlanýda. Semeı qalasynda «Ata Zań – el tiregi» atty onlaın konferensııa uıymdastyryldy.

Jalpy aıtqanda, barlyq qala men aýdanda shyǵarmashylyq ujymdar men etnomádenı birlestikterdiń qatysýymen merekelik onlaın-konsertter ótkizilýde.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir