29 Tamyz, 2020 NEWS

Komıssııa músheleri Semeıdegi jańartylǵan teatrǵa joǵary baǵa berdi

Foto: ShQO aqparat ortalyǵy

Abaıdyń 175 jyldyq mereıtoıyn daıyndaý jáne ótkizý jónindegi memlekettik komıssııa músheleri Semeıdegi uly oıshyl atyndaǵy teatrǵa baryp qaıtty. 
Abaı atyndaǵy oblystyq qazaq mýzykalyq drama teatry alǵashqy qazaq teatrlarynyń biri. Oǵan 1917 jyly Muhtar Áýezovtiń jetekshiligimen sahnalanǵan «Eńlik-Kebek» qoıylymy dálel bola alady.
1934 jyly teatr shymyldyǵy Ilııas Jansúgirovtiń «Kek» pesasymen ashyldy. 85 jyldyń ishinde teatrda 300-den astam qoıylym sahnalandy. Ony 80 mıllıonnan astam kórermen tamashalady.
Semeıdegi kásibı orys teatry 1937 jyly quryldy. 83 jyldyń ishinde bul ujymda talaı ártis aýysty. 1975 jyly teatrǵa
Fedor Dostoevskııdiń esimi berildi. Bul ujym birneshe márte halyqaralyq, odaqtyq jáne respýblıkalyq festıvalderdiń laýreaty atandy.
1997 jyly Abaı teatrynyń quramyna eki óner ordasy biriktirildi. Arada birneshe jyl ótken soń respýblıkalyq jáne halyqaralyq baıqaýlar men festıvaldardyń «Darıǵa Aı» jastar teatry qosyldy.
Aǵymdaǵy jyly teatrǵa qaıta jóndeý jumystary júrgizilgenine qaramastan atalmysh nysannyń tarıhı kelbeti saqtaldy. Kıeli óner ordasy jaryq ári keń bola tústi. Semeılikter men qala qonaqtaryn jańa sahna men aýa baptaý júıesi ornatylǵan kórermen zaly kútip tur.
Jańa teatr maýsymynda óner ordasy kórermenderin jańa kelbette qarsy alady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir