N. Nyǵmatýlın Konstıtýsııa kúnimen quttyqtady

Májilis Tóraǵasy  Nurlan Nyǵmatýlın qazaqstandyqtardy memlekettiń aıtýly merekesi   Konstıtýsııa kúnimen quttyqtady.

Májilis Tóraǵasy óziniń Twitter-degi jeke paraqshasynda jarııalaǵan quttyqtaýynda:

«Sizderdi elimizdiń mártebeli merekesi – Konstıtýsııa kúnimen quttyqtaımyn! Osydan 25 jyl buryn Elbasymyz N.Á. Nazarbaev irgesin qalaǵan Ata zańymyz táýelsizdigimizdi nyǵaıtyp, halyqtyń birligi men yntymaǵyn arttyrdy!» - dedihttps://twitter.com/NigmatulinKZ/status/1299908381931601922.

Sonymen qatar, Májilis Tóraǵasy óz quttyqtaýynda Elbasy                    N.Á. Nazarbaevtyń Konstıtýsııada belgilengen qaǵıdattarynyń arqasynda Qazaqstan búginde zamannyń syn-qaterlerine jaýap berip, Memleket Basshysy Q.K. Toqaev usynǵan «Halyq únine qulaq asatyn memleket» tujyrymdamasyna sáıkes damyp kele jatqanyna toqtaldy.

Sondaı-aq, Nurlan Nyǵmatýlın 1995 jyly qabyldanǵan Konstıtýsııanyń arqasynda kásibı Parlament qurylǵanyn aıtyp, Konstıtýsııada bekitilgen qoǵamdyq kelisim, saıası turaqtylyq jáne patrıotızm - ulttyq qaýipsizdikti qamtamasyz etý men qazaqstandyqtardyń ál-aýqatyn arttyrýdyń kepiline  aınalǵanyna nazar aýdardy.

Májilis Tóraǵasy Táýelsizdiktiń tuǵyryna aınalǵan Ata zań árbir qazaqstandyq úshin qymbat ekenin alǵa tarta kelip, barsha halqymyzǵa  amandyq, elimizge qut-bereke tiledi.