Qarasha aıynda ótetin Amerıkanyń prezıdenttik saılaýy qarsańynda Vashıngton men Pekın áskerı qaqtyǵysqa barýy múmkin. Bul týraly Avstralııanyń burynǵy premer-mınıstri málimdedi.

Pekın men Vashıngton arasyndaǵy qatynastar sońǵy aılarda Kovıd-19 pandemııasy, saýda, Gonkong jáne Qytaıdyń Shyńjandaǵy qazaq, uıǵyr azshylyǵyna jasaǵan qysymyna baılanysty nasharlady. Eki el arasyndaǵy yqtımal soǵys qaýpi týraly eskertýdi 2007-2010 jyldar aralyǵynda Avstralııanyń premer-mınıstri bolǵan Kevın Radd jasady.

Radd Melbýrndegi  La Trob Ýnıversıtetinde "Qytaı máselesi: jańa qyrǵı qabaq soǵystyń aldyn alýǵa bola ma?" atty is-sharada sóz sóılegen.

Is-sharada koronavırýs jaıyndaǵy birqatar pikirtalastar bolǵan.

Radd 3 qarashada Amerıkada saılaý ótkiziler aldynda "qate esepteý jáne shıelenisý jolymen qaqtyǵys" bolatynyn eskertken.

Onyń pikirinshe, eki el arasyndaǵy dıplomatııalyq qatynastardyń quldyraýy qaterli saldarǵa ákelýi múmkin. Ol Qytaı men Amerıkanyń soǵys ushaqtary men kemeleriniń bir-birine óte jaqyn kelýi jıilep, qaqtyǵys bolýydyń az-aq aldynda turǵanynan alańdaıtynyn jetkizdi. Onyń sózinshe, Qytaı óz pozısııasyn nyǵaıtý úshin Ońtústik Qytaı teńizinde tabıǵı jáne jasandy araldarda áskerı bazalar, sonyń ishinde aerodromdar salýda. Al, oǵan Vashıngton qatań túrde qarsy turýda.

Radd myrzanyń aıtýynsha, Pekınniń de, Vashıngtonnyń da "ultshyldyq ekpinderi" ashyq qaqtyǵystarǵa aparady.

Ol "ásirese, Vashıngtonda da, Beıjińde de óte kúshti ultshyldyq saıasaty júrip jatqadyqtan saılaýdan birneshe aı buryn " daǵdarys bolatynyn eskertken.

Ilmek sózder: Qyaı AQSh

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir