04 Tamyz, 2020 Barlyq aımaqtar

Almaty oblysynda er adam áıelin sýǵa tunshyqtyryp óltirmek bolǵan

Dına Tańsáriniń Facebook paraqshasynan alyndy

Almaty oblysynda turatyn kóp balaly anany kúıeýi ólimshi etip sabaǵan. Áıeldiń týystary bolǵan jaıtty aıtyp «Ne molchı» qoǵamdyq qoryna habarlasqan. Bul týraly qordyń jetekshisi Dına Tańsári Facebook áleýmettik jelisinde jazdy. 

Erli-zaıyptylardyń 4 balasy bar, otasqanyna 15 jyl bolǵan. Osy ýaqyttan beri kúıeýi áıeline jıi qol kóterip kelgen.

– Ol "men bul kúnge aldyn ala daıyndalyp, balalardy ádeıi ájesiniń úıine jiberdim, seni óltirý úshin" dep aıtqan. Áıelin aldymen uryp-soǵyp, vannadaǵy sýǵa tunshyqtyryp, qylqyndyrǵan. Áıeli aıtarlyqtaı qarsylyq kórsetkendikten ashanadan pyshaqty alyp kelip, pyshaqtamaq bolǵan. Osy sátte áıeli qashyp úlgergen, – dedi jábirlenýshi kelinshektiń ápkesi.

Jábirlengen áıel týystaryn kómekke shaqyrǵan. Olar arasha túsken.

Qazir er adam qamaýǵa alynyp, polıseıler ony tergep jatyr. Kúdiktiniń ústinen QR Qylmystyq kodeksiniń 107-babymen (Densaýlyqqa qasaqana ortasha aýyrlyqtaǵy zııan keltirý) is qozǵalǵan. Qylmystyq is aıasynda qazir tıisti saraptamalar taǵaıyndalýda. 

Al jábirlenýshige aldaǵy ýaqytta ota jasalýy qajet.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir