Almatyda eriktiler qurbandyqqa shalynǵan etti muqtajdarǵa taratýǵa kómektesedi. Bul týraly óńirlik kommýnıkasııa qyzmetiniń alańynda ótken onlaın- brıfıng barysynda, Almaty qalasy Naýryzbaı aýdanynyń «Ábý Bákir» meshitiniń Bas ımamy Áset Atashov aıtty.

Koronavırýs ınfeksııasynyń taralýyn boldyrmaý jáne turǵyndar qaýipsizdigin saqtaý maqsatynda, 31 shilde men 2 tamyz aralyǵyndaǵy Qurbaı aıt meıramy kezindegi qurbandyq shalý rásimi onlaın formatynda ótetin bolady. Qurbandyq shalýǵa ótinishti Qurban2020.kz portalyna kirý arqyly bere alasyzdar. Sol jerdegi qajetti jolaqtardy toltyryp, qurbandyqqa shalatyn maldy tandap, aqshasyn tóleý kerek. Qurbandyq shalynǵandyǵy týraly esep, tapsyryp berýshige jiberiletin bolady.

Sonymen qatar, saıt arqyly muqtaj jandar etti alýǵa ótinish tastaı alady. Sondaı-aq ákimdikte áleýmettik jaǵynan az qamtylǵan otbasylar tizimi bar. Olarǵa ótinish bergen- bermegenine qarmastan et beriletin bolady.

Qıyn jaǵdaıda qalǵan adamdarǵa kómek berý maqsatynda arnaıy shtab qurylǵan bolatyn.

"Qurbandyqqa shalynǵan etter muqtaj otbasylarǵa beriletin bolady. Bul úshin Almatyda arnaıy shtab quryldy. Sondaı- aq eriktiler de bul qaıyrymdy iske jumyldyryldy",- dedi meshit ımamy Áset Atashov.

Almaty qalasy ákimdigi karantınniń alǵashqy kúninen bastap ( 16 naýryz, 2020 jyl), Jastar loft otalyǵynyń bazasynda shuǵyl eriktiler shtabyn qurǵan bolatyn. Onyń quramyna qala eriktileri men medısına jáne qoǵamdyq mekemeler kirdi. Shtabtyń negizgi jumysy- muqtaj jandarǵa kómetkesý. Eriktiler qaýipsizdigi úshin jeke qorǵanatyn jaǵdaı jasaldy ( arnaıy kıimder, maska, sterıldi qolǵap, bahıla, antıseptık). Sondaı- aq arnaıy transportpen jáne tamaqpen qamtamasyz etildi.

Eriktiler kún saıyn saǵat 8.00- 20.00-ge deıin demalyssyz jumys jasaıdy. Telefon 8(727)279-16-91

"Eger biz aýyryp turyp kóshege shyqsaq, aınalamyzǵa úlken zııan keltiremiz"- Almaty qalasynyń ımamdary karantın sharalaryn saqtaýǵa shaqyrdy
Qalanyń óńirlik kommýnıkasııalar qyzmetiniń alańynda ótken onlaın-brıfıngte, Almaty qalasynyń Naýryzbaı aýdany "Ábý Bákir" meshitiniń Bas ımamy Áset Atashov, Almaty turǵyndaryn epıdemııaǵa qarsy erejelerdi qatań saqtaýǵa shaqyrdy.

"Eger biz bir jerde aýrý shyqqanyn estip turyp sol jerge barsaq, onda óz-ózimizge zııan keltiremiz degen sóz. Al eger aýyryp turyp kóshege shyqsaq, onda óz-ózimizge zııan keltiremiz. О́zińe nemese aınalańdaǵy adamdarǵa zııan keltirý - kúná. Sondyqtan barlyǵyn sanıtarlyq talaptardy saqtaýǵa shaqyramyn",- dedi Áset Atashov.

Maska taǵyp, araqashtyqty saqtap, adam kóp jınalatyn jerlerge barýdan bas tartýǵa shaqyramyn",- dedi ımam.

Esterińizge sala keteıik, Almatyda epıdemıologııalyq saqtyq sharalary jan- jaqty júrgizilip jatyr. Koronavırýs ınfeksııasynyń taralýyn boldyrmaý maqsatynda, 31 shilde - 2 tamyz aralyǵyndaǵy Qurban aıt meıramy kezinde tómendegi sharalarǵa tyıym salynady:

1) jeke úı aýmaǵynda, medreselerde, jeke menshik ıeligine qaramastan adamdardy jınap, sharalar ótkizý;
2) mal soıý nemese uıymdastyrý, Almaty qalasy aýmaǵynda kólikpen nemese jeke úı sharýashylyǵynda mal satý,
3)31 shilde - 2 tamyz aralyǵynda Almaty qalasynyń ortalyq meshitimen birlese otyryp, onlaın túrde qurbandyq shalatyndardy qospaǵanda, mal soıatyn sehtar men bazarlardyń jumysyn toqtatylady;

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir