Qarasaılyq eriktiler 875 otbasyna kómektesti

Almaty oblysy Qarasaı aýdanynda 58 myń 390 jas bar. Ol turǵyndar sanynyń úshten bir bóligin quraıdy. 500 erikti jas ózderi qurǵan jospar boıynsha jumys júrgizip keledi. Aýdannyń úzdik eriktisi Álııa Sátpaeva erikti jastardyń basyn qosyp, qarasaılyq jastardy ıgi iske jumyldyrýda.

«Meıirimdi Jetisý» Respýblıkalyq aksııasy boıynsha Qarasaı aýdanynyń áleýmettik turmys jaǵdaıy tómen 875 otbasyna kómek kórsetildi. Atalǵan otbasylaryna qajetti zattardy alýǵa «Nur Otan» partııasynyń fılıaly, «Jastar resýrstyq ortalyǵy» jáne aýdan eriktileri «Aport» saýda ortalyǵy, «Magným», «Sátti» sýpermarketteri, «Efes Qazaqstan» syra zaýyty, «Aqsaı nan» toqash kombınaty demeýshilik kórsetti.  Shyny kerek, koronavırýstan qorǵaný kezinde medısınalyq betperdeler tapshylyǵy sezilgeni ras. Sol sebepti qarasaılyq eriktiler aýdan, aýyldy jerdegi dúkenderge jergilikti halyq tegin alýy úshin  3 myń medısınalyq betperde taratty. Odan bólek jastar blok-bekette qyzmet etken qyzmetkerlerdi de medısınalyq betperdemen qamtamasyz etti.

Erikti bolý – erlikpen teń. Eriktilerdiń qaıyrymdylyǵy aýdan turǵyndary úshin úlken kómek boldy. Bul eriktilerdiń belsendiligi. Árbir qazaqstandyqtyń boıynda belsendi ómir súrýge daǵdy qalyptassa alynbaıtyn asý joq.

Aıdar QALIEV

Almaty oblysy