29 Shilde, 2020 NEWS

"Biz birgemiz": Eriktiler Taldyqorǵandaǵy oblystyq aýrýhanaǵa ottegi konsentratyn tartý etti

Foto avtordiki

Elimizde koronavırýs indeti órship tur. Dese de, keselmen halqymyz jumyla kúresip, ár óńirdiń qaıyrymdy jandary qoldan kelgen kómegin aıamaýda. Oǵan dálel qazaqstandyq úzdiksiz bilim berý qaýymdastyǵynyń eriktileri Almaty oblystyq aýrýhanaǵa ottegi konsentratyn tartý etýi.

Qyryqtan astam jekemenshik balabaqsha mekemesinen quralǵan qaýymdastyq qyzmetkerleri tynys alý apparatymen qatar basyn qaterge tigip, kúni-túni jumys istep júrgen dárigerlerge alǵysyn bildirip, sý, shokolad ákeldi.

Osy sharasha oraı uıymdastyrylǵan jıyn barysynda «Árlen» balabaqshasynyń meńgerýshisi Madına Mametova jasandy tynys alý apparaty Almatydan 600 myńǵa ynǵany atap ótti.

– Bizdiń maqsat – bir adamǵa bolsa da kómektesý. Mamandardyń aıtýynsha bir apparatpen kúnine úsh adam em alady. Jumyla kótergen júk jeńil. Barlyq qaltaly jandar qolynan kelgenshe kómektesse, bul indetti de eńseremiz. Álemdi jaılaǵan indet óńirimizde odan ári órshimeý úshin medısına qyzmetkerleri qıyn jaǵdaıda jumys isteýde. Tipti, ózderi de aýyryp jatyr. Sol sebepti qalǵan qarajatqa dárigerlerge qoı eti men qymyz alyp, ystyq sorpa bersek degen josparymyz bar, – dedi ol.

Jıyn barysynda oblystyq aýrýhananyń dırektory Murat Rahmetov qural-jabdyqtardy aýrýhanaǵa jetkizip bergen eriktilerge  alǵysyn bildirdi.

– Qazir oblystaǵy aýrýhanada 200 adam emdelýde. Sondyqtan apparat aýadaı qajet. Janashyr jandar naýqastarǵa úlken kómek kórsetip jatyr. Bul apparattar mundaǵy naýqastarǵa úlken kómek boldy. Sol úshin osyndaı ıgi is jasaǵan azamattarǵa alǵysymyzdy aıtamyz, – dedi Murat Kómekuly.

Aıdar QALIEV

Almaty oblysy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir