27 Shilde, 2020 NEWS
Ashyq derekkóz
Qazaqstan halqy assambleıasy 1995 jyly qurylǵan. Quramynda 394 múshe bar. Parlament Májilisine Qazaqstan halqy Assambleıasynan saılanǵan 9 depýtat eldegi barlyq etnostar atynan ókildik etedi. Qazaqstan Jazýshylar Odaǵy 1925 jyly qurylǵan. Quramynda 810 múshesi bar. Parlamentte Jazýshylar Odaǵyna múshe qansha depýtat bar?
Saıasat, ıdealogııany qoıa turyp, arıfmetıka turǵysynda qarasaq, Májiliste QHA-daǵy 394-tiń 9-y otyrsa, QJO-daǵy 810-nan keminde 18 depýtat otyrýy kerek. Buǵan qosa QJO-nyń 11 oblys pen elordadaǵy fılıaldarynyń basshylary nemese ókilderi jergilikti oblystyq, qalalyq, tipti aýdandyq máslıhattarda bar ma? Joq bolsa nege? Ne kedergi?
Mandattar qaǵazben bekitilmese de, tájirıbede qaǵıdaǵa aınalý kerek dep oılamaısyzdar ma?
"Eldiń búgini men bolashaǵy jastardyń qolynda" degen urandar qaı zamannan beri barlyq elderde aıtylyp jatady. Aqıqatynda olaı esh jerde, eshqashan bolmaǵan, bolmaıdy da! Múlde! Sosyn memlekettik isti tek ekonomıster men zańgerler, bylaısha aıtqanda kásibı mamandar ǵana júrgizý az. Tipti olar dúnıede joq genııler bolsa da. Ideologtar da qansha tyrysqanymen asa eshteńe ózgermeıdi. Qysqasy istiń basy-qasynda ıdealıster bolmasa eshteńe ónbeıdi. Al qalǵandary tek oryndaýshylar.
Qurmetti, aqyn-jazýshy, qalamger aǵalar, baýyrlar!
Sizder memlekettik saıasattan, memlekettik isten tys qalǵan saıyn, alystaǵan saıyn ulttan, halyqtan alystaısyzdar, ýaqyt pen urpaq aldyndaǵy paryz, táńirdiń bergen daryny men qudaıdyń bergen qarymy aldyndaǵy qaryzdan alshaqtaısyzdar. Osyny túsiný kerek! О́ıtkeni qoǵamǵa kerek ıdealıster degen – SIZDER! Qazaqqa kerekti qazaqtan basqa eshkim syrttan kep istep bermeıdi. Jáne qazaqqa qazaqtan basqanyń jany ashymaıdy. El ortaq, jer ortaq, memleket ortaq. Sondyqtan bularǵa qatysty jaýapkershilik te - ortaq.
Jomart Aıtqazy
Facebook paraqshasynan
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir