Almatydaǵy taýly-ormandy jerlerde 100-den astam órt shyǵý múmkindiginiń joly kesildi. Bul týraly Almaty qalasynyń óńirlik kommýnıkasııalar qyzmetiniń alańynda ótken onlaın brıfıng barysynda Almaty qalasynyń Tótenshe jaǵdaılar departamenti basshysynyń orynbasary, azamattyq qorǵaý polkovnıgi Arman Baıgelov jáne Ile Alataýy ulttyq tabıǵı parki bas dırektorynyń orynbasary Darhan Isabekov aıtty.

Qazirgi kezde Almaty qalasynyń aýmaǵynda qurǵaq ósimdikterdiń órtenýiniń 231 oqıǵasy tirkelgen. О́rt kóbinese Alataý, Medeý, Túrksib jáne Naýryzbaı aýdandarynyń aýmaǵynda oryn alǵan.

Arman Baıgelovtyń habarlaýynsha, Almatynyń memlekettik bas sanıtarlyq dárigeriniń 03.07.2020 №46 Qaýlysynyń talaptaryna sáıkes, jekelegen (3 adamnan aspaǵan jaǵdaıda nemese bir otbasynyń músheleri) jaǵdaılardy qospaǵanda, tabıǵat aıasyna ekskýrsııalyq, korporatıvtik, top bolyp shyǵýǵa tyıym salynǵan. Biraq, Almaty qalasynyń taýly ormandy jerlerinde halyqtyń demalý jaǵdaılary tirkelýde. Osyǵan baılanysty, taýly-ormandy jerlerde órt qaýipsizdigi úshin TJD qyzmetkerleri jergilikti polısııanyń jáne memlekettik Ulttyq tabıǵı park qyzmetkerlerimen, volonterlik uıymdarmen birlesip 60 túsindirý sharalaryn júrgizdi.

«Ruqsat etilmegen oryndarda ot jaǵýdyń 101-den astam oqıǵasy tirkelgen. Ákimshilik jaýapkershilikke 40 jeke tulǵa tartyldy», — dedi Arman Baıgelov, ol ÁQ týraly QRK 367-babyna sáıke, erekshe qorǵalatyn tabıǵı aýmaqtarda ot jaqqan eki azamatqa 277 800 tg aıyppul salynǵanyn aıtty.

Sonymen birge, belgilengen merzimde demalýshylarǵa órtke qarsy taqyrypta 4075-ten astam jadynama taratyldy.

Brıfıng barysynda almatylyqtarǵa Alma-arasan shatqalynyń aýmaǵynda Ú.Almaty, Kazachka óz. boıynda ystyq tamaq ázirleýge arnalǵan arnaıy oryndar bar ekenin eske saldy. Iаǵnı, ústel, ot jaǵatyn jer, mangal men barbekıý úshin betondalǵan alań bar.

«Erekshe qorǵalatyn aýmaqtar men ruqsat etilmegen jerlerde ot jaqqandary úshin TJD jáne MUTP qyzmetkerleri "Ákimshilik quqyqbuzýshylyq týraly" QR Kodeksiniń 367-baby boıynsha ákimshilik aıyppul salatynyn atap ótkim keledi», — dedi A.Baıgelov, ol aıyppul mólsheri jeke tulǵalar úshin 10-nan 100 AEK nemese 27 780 tg 277 800 tg deıin ekenin atap ótti.

Aıta keterligi, Almaty qalasynyń memlekettik bas sanıtarlyq dárigeriniń aǵymdaǵy jyldyń 14 shildedegi №48 qaýlysyna oraı koronavırýstyń odan ary taralýynynń aldyn alý úshin taýly-ormandy aýmaqtarǵa barýǵa qosymsha shekteýler engizilgen.

Jumys kúnderi myna erejelerdi saqtaı otyryp, tek qana jaıaý serýendeýge ruqsat etilgen:
• О́zimen birge azyq-túlik (sýsyndardan basqa) ákelip, pıknık uıymdastyrýǵa jáne ot jaǵýǵa qatań tyıym salynady;
• saıabaqtardyń aýmaǵynda úsh adamnan artyq júrýge bolmaıdy;
• Sanıtarlyq normalar men áleýmettik qashyqtyq qatań saqtalýy tıis.

Ulttyq saıabaqtar aýmaǵy demalys kúnderi kelýshiler úshin jabyq bolady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir