09 Shilde, 2020 NEWS

Almatyda 2021 jyly 3 iri jol aıryǵy salynady

inform.kz

Almaty ákimdigi búgin jol-ınfraqurylymy jobalary týraly onlaın konferensııa ótkizdi.

«Almatyda jalpy joldyń uzyndyǵy 3 096 km. Onyń ishinde sapasy jaqsy joldardyń úlesi salmaǵy 2019 jyly 75 %-ǵa jetkizildi. Barlyǵy 2 322 km boldy. Almaty ákiminiń tapsyrmasymen 2020 jyly bul kórsetkishti 80%-ǵa jetkizý kózdelgen», - dedi Qalalyq mobıldilik basqarmasy basshysynyń orynbasary Ernur Abjahan.

2019 jyly qalanyń damý josparyna sáıkes T.Rysqulov pen Qulja tas joly jol aıryǵy paıdalanýǵa berildi. Sonymen qatar, Súıinbaı dańǵylynyń Hmelnıskıı men Sholohov kóshesi aralyǵyndaǵy ýchaskesi qaıta jóndeýden ótti.

2020 jyly 3 iri jolaıryǵynyń: T.Rysqulov –Emsov, S.Seıfýllın dańǵyly – I.Jansúgirov kóshesi, Buqtyrma – Qulja tas joly nysandarynyń qurylysy aıaqtalady.

«Qazir T.Rysqulov dańǵylynyń ońtústik jaǵynda jol jabyndysy tóselip jatyr. Al soltústiginde úıler áli súrilip jatyr. Áli birneshe nysan tolyq tárkilengen joq. Bul jumystar kelesi jyly tolyq aıaqtalady», - dedi Ernur Abjahan.

S.Seıfýllın – I.Jansúgirov jol aıryǵynda úıler súrilip jatyr. Bıyl tonnelder salynyp, 2021 jylǵa qaraı jumys tolyq aıaqtalady.

Buqtyrma – Qulja tas joly jolaıryǵynda da qala men oblys terrıtorııasyndaǵy jer ýchaskelerin tárkileý júrip jatyr.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir