Qazaqstanda 1 mln 600 myńnan asa adam 42 500 teńge aldy

42 500 teńge kólemindegi áleýmettik tólem 1 mln 676 myń qazaqstandyqqa aýdaryldy. Bul týraly eńbek jáne halyqty áleýmettik qorǵaý mınıstrliginiń baspasóz qyzmeti habarlady.

"25 shilde saǵat 9.00-degi jaǵdaı boıynsha shilde aıynda shekteý sharalaryn engizýge baılanysty tabysynan aıyrylǵan jaǵdaıda memlekettik áleýmettik saqtandyrý qorynan eń tómengi jalaqy – 42 500 teńge mólsherinde birjolǵy tólem taǵaıyndaýǵa azamattardan 2,1 mln-ǵa jýyq biregeı ótinish qabyldandy. Tólem 1,7 mln adamǵa taǵaıyndaldy. Aqshalaı qarajat 1 mln 676 myń qazaqstandyqqa aýdaryldy" delingen habarlamada.

Eńbek jáne halyqty áleýmettik qorǵaý mınıstrliginiń habarlaýynsha, tólem alýǵa ótinimder birneshe arnalar arqyly qabyldanady.

2 mıllıonnan astam ótinimniń ishinde:

– 804,4 myń adam proaktıvti formatta tólem taǵaıyndaýǵa kelisim berdi;

– 521,1 myń adam Egov.kz portaly jáne telegram-bottar arqyly;

– 249,4 myń adam 42500.enbek.kz portaly arqyly;

– 524,5 myń adam ekinshi deńgeıdegi bankterdiń mobıldik qosymshalary men ınternet-resýrstary arqyly ótinish bergen.

Azamattardyń sanattary bólinisinde:

– 804,4 myń ótinish biryńǵaı jıyntyq tólem tóleýshilerden berildi (proaktıvti formatta);

– 150,2 myń ótinishti jaldamaly qyzmetkerleri úshin jumys berýshiler berdi;

– 1 mln 144 myń ótinish azamattardyń basqa sanattarynan kelip tústi (jeke kásipkerler; jeke praktıkamen aınalysatyn adamdar; azamattyq-quqyqtyq sıpattaǵy sharttar boıynsha tabys alatyn jeke tulǵalar).

О́tinish qabyldaý 2020 jyldyń 1 qyrkúıegine deıin jalǵasady.