24 Shilde, 2020 NEWS

Turǵymbaev Satpaevtaǵy janjalǵa qatysty resmı málimdeme jasady

Ashyq derekkóz

Ishki ister mınıstri Erlan Turǵymbaev Sátpaevta "bes jasar qyzdy zorlady" degen kúdikpen er adamnyń qamaýǵa alynǵanyn málimdedi.

– 23 shildede keshki saǵat 9-da Sátbaev qalasyndaǵy ishki ister basqarmasyna 5 jasar qyzdyń joǵalǵany týraly aryz tústi. Jedel izdestirý nátıjesinde búldirshi qaladaǵy bir úıden tabyldy. Jas qyzdy zorlady degen kúdikpen bir adam qamaýǵa alyndy, – dedi ol.

Mınıstrdiń aıtýynsha turǵyndar kúdiktini ózderi jazalalaýdy talap etken.

– Biraq birneshe adam kúdiktini óz qoldaryna berýdi talap etip, janjal shyǵardy. Olar buzaqylyq jasap, polıseılerge qarsylyq tanytty. Tártipsizdikke jol bermeý úshin qosymsha polısııa kúshteri tartyldy, jaǵdaı baqylaýǵa alyndy. Bul jaǵdaı boıynsha birneshe bappen qylmystyq is tirkeldi, tergeý amaldary jalǵasyp jatyr. Eldegi qoǵamdyq tártip pen azamattardyń qaýipsizdigin qamtamasyz etý úshin polıseıler bar kúshin jumsaıdy, – dedi Erlan Turǵymbaev.

Ishki ister mınıstri sóz sońynda áleýmettik jeli arqyly tarap jatqan jalǵan aqparattarǵa senbeýge shaqyrdy. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir